پاکستان باش‌وزیری عمران خان نینگ ایتیشیچه،‌ اسلام‌آباد و واشنگن افغانستان‌ده اقتصاد رواج‌لنیشی و تینچلیک تأمین‌لنیشی اوچون چوقور تعامل قیلیش‌لری کیره‌ک. عمران خان اوتگن کون آمریکا کانگرسی نینگ تشقی علاقه‌لر کمیته‌ اعضاسی بیلن اوتکزگن اوچره‌شووده بو موضوع نی بیان قیلگن.

پاکستان باش‌وزیری نینگ ایتیشیچه، افغانستان ده انسانی فاجعه و اقتصاد سقوط قیلیشی نی آلدینی آلیش اوچون مذکور مملکت یشاوچی‌لریگه مالی یاردم بیریش اوچون سعی و حرکت‌لرنی دوامی بار. او، افغانستان بانک و اقتصادی قیینچلیک‌لری حل ایتیلیشی اوچون امید بیلدیرگن.

پاکستان باش وزیری دفتری نینگ اعلامی اساسیده، مذکور اوچره‌شوو‌ده پاکستان و آمریکا اقتصادی و سوداگرلیک علاقه‌لری نینگ کوچ‌لنیشی و شونینگدیک ایکی مملکت ساغلیک بولیمی، تینچلیک، ترورچیلیککه قرشی کوره‌ش و سوو و هوا اوزگریش‌لیک‌لریگه قرشی کوره‌ش اوستیگه تأکید قیلینگن.

عمران خان افغانستان یشاووچی‌لری نینگ اقتصادی نیاز‌لری تیزلیککه حل ایتیلیشی توغریسیده تأکید قیلگن بیرحالده، اوتگن کون بیرلشگن ملت‌لر تشکیلاتی افغانستان بانک‌لریدن حمایت قیلیش اوچون تیزلیککه اقدام قیلیش نی سوره‌ب و اوشبو ممکلتده مالی قیین‌چیلیک، کیله‌جک آی‌لرده بانکی نظام نی سقوط قیلیشی توغریسیده آگاه‌لنتیردی.

بیزلرنینگ فیسبوک صحیفه‌میزگه باش اورینگ!

شونینگدیک، بیرلشگن ملت‌لر تشکیلاتی نینگ رواجلنتیریش برنامه‌سی (UNDP) بیر گزارش‌ آرقه‌لی آگاه‌لنتیریشیچه، بانکی نظام نینگ نابود بولیشی نی اقتصادی هزینه‌سی کوپ کینگ بولیشی ممکن. اوشبو برنامه رئیسی عبدالله‌ الدرداری نینگ رویترز گه ایتیشیچه:‌ «افغانستان اقتصادی ده ۴ میلیارد دالر ارزشی گه افغانی پول بار و بو مملکتده ۵۰۰ مینگ دالر ارزشی گه افغانی پول گردش گه دیر و قالگن افغانی پول توشک یا هم یاستیق نینگ آستیده دیر، چونکه اهالی قورقه‌دی.»

بیرلشگن ملت‌لر تشکیلاتی نینگ رواج‌لنتیریش برنامه‌سی نینگ گزارشی نی بیر بولیمیده کیلگن که افغانستان بانکی و مالی نظامی بوزیلگن. اوشبو گزارش اساسیده، بانکی سیستم‌ نینگ نابود بولمه‌یشی و افغانستان تولیدی ظرفیت‌لری نینگ یخشی بولیشی اوچون بانکی قیین‌چیلیک‌لر نینگ تیزلیککه حل بولیشی کیره‌ک.

مرتبط با این خبر:

شریک قیلینگ:
خبر اوقووچی
تیگیشلی خبرلر و تحلیل‌لر

سلام‌وطندار خبرلری و گزارش‌لری نینگ اجتماعی ترماق‌لردن تعقیب قیلینگ:

فیسبوک

توییتر

تلگرام