نماینده‌لر کینگش اعضالری مذکور کینگش نینگ بوگونگی عمومی ییغینیده ایتیش‌لریچه، آمریکا امنیتی کیلیشوونامه امضالنیشی بیلن افغانستان ده تینچلیک تأمین ایتیلیشی خصوصیده سوزبیرگن ایدی، بیراق مذکور کیلیشوونامه دن نیچه ییل اوتیشی بیلن افغانستان نینگ امنیتی وضعیتی یخشی بولمه‌گن.
نماینده‌لر کینگشی نینگ اعضالریگه کوره، آمریکا و افغانستان آره‌سیده‌گی امنیتی کیلیشوونامه، مملکت خوفسیزلیک وضعیتی نینگ یمان بولیشی گه سبب بولگن، چونکه آمریکا افغانستان حکومتی نینگ اورنیگه دولت گه قرشی گروه‌لردن حمایت قیلیشگن.
نماینده‌لر کینگش اعضالری آمریکا و افغانستان آره‌سیده‌گی کیلیشوونامه نینگ لغو ایتیلیشی نی سوره‌گن.
آمریکا و افغانستان آره‌سیده‌گی کیلیشوونامه نینگ لغو ایتیلیشی خصوصیده نماینده‌لر کینگش اعضالری نینگ ایسته‌کلری باعث، بوگونگی ییغین نینگ ریاستی نی قولگه آلگن نماینده‌لر کینگشی نینگ بیرینچی اورین‌باسری میرزا محمد کتوازی، نماینده‌لر کینگشی نینگ چهارشنبه کونی یولگه قوییله‌دیگن ییغینیده، امنیتی کیلیشوونامه نینگ لغو ایتیلیشی خصوصیده بحث قیلینیشی گه قرار بیردی.
شونینگدیک نماینده‌لر کینگش اعضالری، آمریکا و طالبان گروهی آره‌سیده امضالنگن کیلیشوونامه دن تنقید قیلیب ایتیش‌لریچه، افغانستان تینچلیگی بوییچه آمریکا خاص نماینده‌سی زلمی خلیل‌زاد، مذکور کیلیشوونامه نینگ امضالشی بیلن مملکتده اوروش کوپه‌یشی گه زمینه یره‌تگن.
