اسلامی امارت تشقی ایشلر وزیرلیگی سرپرستی امیرخان متقی، اوتگن هفته چهارشنبه کونی بیر نامه آرقه‌لی، افغانستان سرمایه‌لری آمریکا قوشمه ایالاتی تامانیدن باغلنگنی نینگ مملکت اقتصادی بحران عاملی دیب و آمریکا دن افغانستان سرمایه‌لری نینگ آزاد قیلیشی نی سوره‌دی.
بیراق افغانستان تینچلیگی بوییچه آمریکا تشقی ایشلر وزیرلیگی نینگ خاص نماینده‌سی توماس ویست، مذکور نامه گه عکس‌العمل کورسه‌تیب و آمریکا بوندن آلدین طالبان زور و حربی یولدن افغانستان گه حاکم بولیش نی ایسته‌گن بیر صورتده، یاردملر کیسیلیشی توغریسیده آگاه‌لنتیرگنی نی ایتگن.
اونینگ کوپه‌یتیریشیچه، افغانستان اگست آیی و سابق حکومت سقوط قیلمه‌سیدن آلدین اوروش، قوروقچیلیک و کرونا دن رنج ایلته‌دی ایدی.
بیزلرنینگ فیسبوک صحیفه‌میزگه باش اورینگ!
سیاسی ایش بیلرمان‌لردن قطاری نینگ ایشانچ‌لریگه کوره، اسلامی امارت دنیا جماعه‌چیلیگی نینگ ایسته‌کلریگه تن بیرمه‌گنی، اولرگه قرشی باسیم‌لرنی کوپه‌یتیره‌دی. سیاسی ایش بیلرمان‌لردن بیری اکرم عارفی نینگ ایتیشیچه، آمریکا قوشمه ایالاتی طالبان رویکردی نی اوزگرتیریش اوچون، اولرگه قرشی تحریم‌لر و باسیم‌لرنی کوپه‌یتیریشی ممکن.
سیاسی ایش بیلرمان‌لردن باشقه بیری سیدباقر محسنی نینگ اورغولشیچه، دنیا جماعه‌چیلیگی نینگ شرط‌لرنی قبول قیلیش و اسلامی امارت بو توغریده کوتاه کیلیشی افغانستانده‌گی فاجعه نینگ یالغیز ییچیم یولی دیر.
شونده‌ی بیرحالده، آمریکا قوشمه ایالاتی نینگ کانگرسی نی ایکی جمهوری‌خواه اعضاسی لندسی گراهام و مایکل والتز بیر نامه آرقه‌لی بیرلشگن ملتلر تشکیلاتی نینگ باش کاتبی آنتونیو گوترش دن اسلامی امارت نینگ رسمیت گه تانیش دن وازکیچیش‌لری و طالبان گه قرشی باسیم‌لر و تحریم‌لرنینگ کوپه‌یتیریش‌لرینی سوره‌گن.
