بیرلشگن ملتلر تشکیلاتی نینگ خوفسیزلیک کینگشی اوتگن کیچه (جمعه، ۲۵-حوت)، کوپینچه ایشانچ آواز بیلن بیر قطعنامه نی تصویب قیلیب و اونینگ اساسیده، افغانستان ده بیرلشگن ملتلر تشکیلاتی نینگ اورینباسرلیک هیئت دفتری (یوناما) مأموریتی، کمیده ینه بیر ییلگچه (۲۰۲۵-ییل، ۱۷-مارچ)، اوزهیتیریلگن. بیرلشگن ملتلر تشکیلاتیده جاپان نمایندهسی آرقهلی تیارلنگن مذکور قطعنامه لایحهسی، یوناما مأموریتی و شونینگدیک یوناما باشلیغی روزا اوتونبایوا دن قوللب-قوتلشی گه تاکید قیلهدی.
شوندهی بیرحالده، اسلام امیرلیگی سرپرست حکومتی یوناما مأموریتی اوزهیتیریلگنی نی خوش قرشیلب و اونینگ افغانستان فایدهسی گه بیلهدی. بو توغریده اسلام امیرلیگی سوزلاوچیسی ذبیحالله مجاهد نینگ ایتیشیچه: «یوناما مأموریتی تمدید بولیشی انشاءالله افغانستان فایدهسی بولیشی ممکن؛ چونکه افغانستان رابطه گه نیازی بار. یوناما بو توغریده رابطهلر نینگ مستحکملنتیرووچی بولیشی ممکن. افغانستان اهالیسی نینگ ایستهگی شو که، یوناما یخشی شکلده نمایندهلیک قیله آلسین.»
بیزلرنینگ فیسبوک صحیفهمیزگه باش اورینگ!
شونینگدیک اسلام امیرلیگی، یوناما مأموریتی تمدید بولیشی نینگ اوشبو حکومت و دنیا جماعهسی آرهسیدهگی قیینچیلیک حلی گه سبب بولیشی نی ایستهیدی. بو توغریده مجاهد نینگ کوپهیتیریشیچه: «قالگن موضوعلر صحبت قیلینیش بیلن حل بولهدی. افغانستان چوکیسی افغانستان اهالیسی گه بیریلیشی کیرهک؛ افغانستان پوللری نینگ آزاد بولیشی کیرهک؛ ناتوغری باسیملر یرهتیلیشی و ناتوغری باسیملر نینگ قوللنیلمسلیگی کیرهک و شونینگدیک عیبلنیلمهسین و ییچیم یولی بولگن مسئلهلر نینگ سیاسی فایدهلنمسلیگی کیرهک.»
بیرلرمانلر، افغانستان ده اقتصادی قیینچیلیکلر طفیلی اورته گه کیلگن بشری بحران حل بولیشی اوچون یوناما مأموریتی دوامی نی اونملی و افغانستان نینگ حاضرگی شرایطیده بیر نیاز بیلهدیلر.
بو توغریده «افغانستان واحد خلقی نینگ بیردملیک آقیمی» رهبری محمدزلمی افغانیار پوپل نینگ ایتیشیچه: «یوناما فعالیتی اوزهیتیریلگنیده، ایجابی جنبه گه توشینگنیمیزده، یخشی بیر ایش دیر؛ بیراق افغانستان کوپینچه پیت جماعه نینگ حقیقتلری اساسیده، بعضی موضوعلر نی بیان قیلمهیدی و اولر نینگ هدفی نفوذی بولگن مملکتلر منفعتی نینگ استراتژیکی تطبیق بولیشی دیر.»
باشقه بیر تاماندن، بیرلرمانلر افغانستان ده بیرلشگن ملتلر تشکیلاتی نمایندهلیگی نینگ اوتگن ایکی ییلده افغانستان ده سیاسی وضعیت اوزگریشی اوچون هیچ بیر ایش قیله آلمهگنلری توغریسیده تنقید قیلگنلر.
خلقارا رابطهلر بیلرمانی ولی فروزان نینگ ایتیشیچه: «بیرلشگن ملتلر نقشی نی سیاسی و رسمیت گه تانیش مسئلهلری و شونینگدیک دیپلماتیک مسئلهلری نظریدن کورگنیمیز پیتده، اوز اعتباری نی قولدن بیرگن دیر.»
بیزلرنینگ «ایکس» ترماغی ده هم تعقیب قیلینگ!
بیرلشگن ملتلر تشکیلاتی نینگ خوفسیزلیک کینگشی اوتگن کیچه یوناما مأموریتی تیکشیریلیشی خصوصیده گزارش بیرگن ایدی، چین و روسیه کبی مملکتلر افغانستان مسئلهسی حلی اوچون افغانستان سرپرست حکومتی بیلن دنیا تعاملی دوامی گه تاکید قیلگنلر.
شونینگدیک یوناما مأموریتی اوزهیتیریلیشی کوپینچه خوش قرشیلنگن. خلقارا کیچیریم تشکیلاتی بو قراردن خورسندلیک بیلدیریب یوناماندن، افغانستان ده انسان حقوقی وضعیتی حلی اوچون بیر اولویت صفتیده کوپراق دقت قیلیشی نی ایستهگن.