افغانستان ده بیرلشگن ملت‌لر تشکیلاتی نینگ مخصوص نمایندهسی دیبرا لاینز نینگ ماموریتی یکونلندی. خانم لاینز سونگی بیاناتیده، افغانستان دنیا جماعه‌چیلیگی اوچون مهم دیر اونیتیلمسلیگی کیره‌ک دیه تأکید ایتگن.
خانم لاینز بوگون (پنجشنبه، ۲۶ جوزا) ترقه‌تگن بیانیه‌سیده ایتیشیچه، ۲۰۲۰ـییل ده بیر عیال صفتیده افغانستان اوچون بیرلشگن ملت‌لر تشکیلاتی کاتبی نینگ خاص نمایندهسی اوله‌راق تنلنگنیدن خورسند دیر.
بیزلرنینگ فیسبوک صحیفه‌میزگه باش اورینگ!
اونینگ کوپه‌یتیریشیچه، بیر عیال صفتیده «قیین شرایط ده افغان سینگیل‌لرینی یالغیز تشلش قیین دیر.»
خانم لاینز بیانیه‌سی بیر بولیمیده ایتیشیچه، تحصیل دن محروم ایتیلگن و ایش دن بیکار قیلینگن میلیون‌لرچه افغان خاتین قیزلری اوچون یوره‌گی، سینه‌دی.
او عیاللر نینگ ایشلری گه یره‌تیلگن چیکلاو گه اشاره قیلیب کوپه‌یتیریشیچه، مملکت آبادانچیلیگی اوچون یاردم بیریش امکانیتی موجود بولسه ده، جمعیت یریمی گه چیکلاو یره‌تیلیب و قیته قوریش ایشلر گه اولر نینگ حقوقی نقض ایتیلیشی اچینرلی دیر.
اونگه کوره، بیرلشگن ملت‌لر تشکیلاتی نینگ اورین باسرلیک دفتری یا یوناما، ساحه ده واقعه‌لرنی تیکشیریش همده افغانستان خلقی، حاکمیتده‌گی رسمی‌لر و دنیا جماعه‌چیلیگی آره‌سیده ایشانچلی بیر منبع اوله‌راق قاله‌دی.
بیزلرنینگ توییترده هم تعقیب قیلینگ!
اونینگ ایتیشیچه، افغانستان دنیا جماعه‌چیلیگی اوچون اوته مهم دیر، اونیتیلمسلیگی کیره‌ک.
خانم لاینز بیانیه‌سی بیر بولیمیده، دوحه ده آمریکا و اسلامی امارت آره‌سیده امضالنگن بیتیم گه اشاره قیلیب ایتیشیچه، اوشبو بیتیم امضاله‌نیشی کیزیده، بیرلشگن ملت‌لر تشکیلاتی مذاکره‌لر نتیجه بیریشنی ایستر ایدی.
