افغانستان بوییچه بیرلشگن ملتلر تشکیلاتی نینگ خاص نماینده‌سی دیبرا لاینز، افغانستان یشاوچیلری نینگ وضعیتیدن خواطر بیلدیرگن.
خانم لاینز بوگون کابل‌ده «افغانستان اقتصاد کنفرانسی» ده ایتیشیچه، شونینگدیک افغانستانده اورته‌گه کیلگن فاجعه، یالغیز اوشبو مملکت ایمس، بلکیم قوشنی مملکتلرگه هم زیان یتیشتیرگن.
افغانستان بوییچه بیرلشگن ملتلر تشکیلاتی خاص نماینده‌سی نینگ ایتیشیچه، سونگی ییللرنینگ یوتوق‌لری نابود بولیش خطری گه دوچ کیلیب و شونینگدیک افغانستان باله‌لری نینگ توییب آوقات‌لنمسلیگی هم کوپه‌یگن.
دیبرا لاینز نینگ کوپه‌یتیریشیچه: «اوتمیش ۲۰ نینگ یوتوق‌لریدن قطاری قولدن کیتماقده. افغان‌لردن قطاری زیان گه دوچ کیلگن که، باله‌لر جماعه‌نینگ باشقه بولیم‌لریدن کوپراق زیان گه یتیش خطری گه دوچ کیلگن.»
بیزلرنینگ فیسبوک صحیفه‌میزگه باش اورینگ!
دیبرا لاینز نینگ ایتیشیچه، چیکلاولرنینگ اورته‌دن کیتکزیش و انسان‌دوستلیک یاردم‌لرنی جذب قیلیش اوچون دنیا جماعه‌چیلیگی بیلن سعی و حرکتلر قیلینگن و بونینگ نتیجه بیریشی کوتیب توریلگن.
شونده‌ی بیرحالده، اسلامی امارت رئیس‌الوزراسی نینگ ایکینچی اورین‌باسری عبدالسلام حنفی، افغانستانده اوتگن ۲۰ ییل یاردم‌لری نی سیاسی و تنیق‌سیز دیب و ایتیشیچه، مذکور مدت‌ده‌گی یاردم‌لر افغانستان اهالیسی گه فایده یتیشتیرمه‌گن.
جناب حنفی نینگ اورغولشیچه، اسلامی امارت تعین‌لنگن سیاسی شرط اساسیده بولگن یاردم‌لری نی قبول قیلمه‌یدی.
اسلامی امارت نینگ قدرت گه ایریشگنیدن کیین، مملکت یشاوچیلری نینگ یشش وضعیتی اوزگرگن و خلق ارا نهادلر نینگ گزارشی اساسیده، افغانستان یشاوچیلری نینگ زیان کوریشی باشقه پیتلر گه قره‌گنده کوپه‌یگن و اولرنینگ عاجل حمایتلر گه نیازلری بار.
