افغانستان بوییچه بیرلشگن ملتلر تشکیلاتی نینگ خاص نماینده‌سی دیبورا لاینز نینگ جمهورلیک ریاستیده یولگه قوییلگن قوشمه نظارت و انسجام ییغینیده ایتیشیچه، تینچ اهالی تلفاتی نینگ اصلی عاملی طالبان گروهی دیر.
خانم لاینز نینگ ایتیشیچه ،دنیا طالبان نینگ تینچ اهالی برابریده‌گی ایش‌لریدن نظارت قیله‌دی و اوشبو گروه سونگی ییل‌لرده لازم مشروعیت‌گه قول تاپگن و بو مشروعیت اولرنینگ سیاسی بیر مذاکره‌گه خصوصیده‌گی تعهدلری اوچون دیر.
بیزلرنینگ فیسبوک صحیفه‌میزگه باش اورینگ!
افغانستان بوییچه بیرلشگن ملتلر تشکیلاتی نینگ خاص نمایندهسیگه کوره، مذاکره میزی‌ده تحرک موجود بولمه‌ی و اولر نظارتیده بولگن تومن‌لرده جنایت‌لر کوپه‌یگن صورتده، طالبان گروهی خلق ارا جماعه‌سی تامانیدن عملی بیر شریک صفتیده تانیلمه‌یدی.
خانم لاینز نینگ کوپه‌یتیریشیچه، افغانستان حکومتی و طالبان آره‌سیده مذاکره‌نی دوامی بولگن بیر
افغانستان بوییچه بیرلشگن ملتلر تشکیلاتی نینگ خاص نمایندهسیگه کوره، اوتگن ییل مشابه زمانده قره‌گنده، تینچ اهالی تلفاتی ۵۰% کوپه‌یگن .
عین‌حالده، خانم لاینز نینگ کوپه‌یتیریشیچه، افغانستان یشاوچی‌لریدن ۱۸ میلیونی جدی نیازمندلیکلر بیلن روپه‌ره بولگن و بو رقم اوتگن ییل‌گه قره‌گنده ایکی برابر کوپه‌یگن.
خانم لاینز نینگ ایتیشیچه، دایمی قوروقچیلیک، اوروش شدت‌لنگنی و کرونا ویروسی ترقه‌لگنی افغانستان یشاوچی‌لریگه کوپینچه زیان ییتیشتیرگن.
افغانستان بوییچه بیرلشگن ملتلر تشکیلاتی نینگ خاص نمایندهسیگه کوره، حاضرده طالبان نظارتیده بولگن منطقه‌لرنی اوتگن ییلده ۴۰% درآمدی بار ایکن و مذکور منطقه‌لرنی طالبان نظارتی‌گه اوتیشی بیلن افغانستان حکومتی منطقه‌یی اتصال مملکت صفتیده سوراق آستیگه قرار تاپگن.
عین‌حالده، مملکت جمهور رئیسی محمداشرف غنی نینگ ایتیشیچه، مملکت‌ده دوامی بولگن اوروش ایچکی اوروش ایمس، بلکیم تروریستی شبکه‌لر اوروشی دیر.
جناب غنی نینگ ایتیشیچه، افغانستان حکومتی تینچلیک مذاکره‌سی سرعت‌لنتیریلیشی‌نی ایسته‌یدی و انه‌شوو سبب، طالبان نینگ ۵ مینگ محبوسی‌نی قوییب یوبارگن و تیزلیککه یولگه قوییله‌دیگن سیلاونی پیشنهاد قیلگن، لیکن طالبان گروهی اوروش‌نی شدت‌لنتیرگن.
جناب غنی گه کوره، مملکت هیج‌بیر یشاوچی‌سی دولتی بولمه‌گن عناصرنی ایستمه‌یدی و مردم نینگ فکریگه کوره، افغانستان قیین‌چیلیکلری حربی یول بیلن حل ایتیلمه‌یدی و ساسی بیر کیلیشووگه نیاز.
مملکت جمهور رییسی نینگ ایتیشیچه، حکومت تورلی بولیم‌لر جمله‌دن دفاعی بولیم‌ده یخشی خذمت ییتیشتیریش اوچون ۵.۲% بودجه سینی کمه‌یتیرگن.
بیزلرنینگ فیسبوک صحیفه‌میزگه باش اورینگ!
مذکور ییغینده ۲۰ ییل‌لیک یوتوقلر سقله‌نیشی اوستیگه تاکید قیلینگن و جناب غنی نینگ کوپه‌یتیریشیچه، افغانستان یشاوچی‌لری اینیقسه عیال‌لر سونگی یوتوق‌لرینی نابود ایتیلیشی اوچون هیچبیر گروه‌گه رخصت بیریلمه‌یدی.
اوشبو ییغینده اشتراک قیلگن‌لرنینگ ایتیش‌لریچه، زوروانلیک‌لر یکونلنتیریلیب و تینچلیک سوزلشوولرنی واقعی شکلده عمل‌گه آشیریلیشی کیره‌ک.
