فراه ولایتیدن امنیتی بیر منبع نینگ سلاموطندارگه ایتیشیچه، اوتگن کونی توشدن سونگ، طالبان نینگ نفوذی بیر عضوی اوشبو ولایت مرکزی نینگ «شپلکوه» منطقهسیده امنیتی بیر پوسته ده 7 پولیسنی اوققه توتگن.
منبع نینگ ایتیشیچه، طالبان نینگ نفوذی عضوی پولیس کوچلریدن 7 تهسینی اولدیرگنیدن سونگ، اوشبو پوستهگه بولگن حربی تجهیزاتلر بیلن طالبان گروهیگه قوشیلگن.
عینحالده، فراه یشاوچیلری نینگ بو واقعهنی تصدیقلب ایتیشلریچه، «شپلکوه» پوستهسی فراه شهری نینگ جنوبغربیده جایلشگن و اوشبو پوستهده قیتهدن امنیتی کوچلر جایلشمهگن صورتده، طالبان نینگ «سنگ زور»، «شورآباد» و 4- ناحیه ده نفوذ قیلیشی ممکن.
طالبان گروهی حاضرگهقدر بوتوغریده فکر بیلدیرمهگن.
