فراه؛ اناردره تومنیده طالبان قمراویگه قرار تاپگن حربی‌لر کمکی کوچ یوباریلمه‌گنیدن خواطر بیلدیرگنلر

Farah-1-p6m3l0m4jbrk5v35yxul5h9re3ci3cud9mwqysumj8

فراه ولایتی نینگ اناردره تومنیده جایلشگن امنیتی کوچلردن بیرقطاری نینگ سلام‌وطندارگه ایتیش‌لریچه، اوتگن کیچه‌دن بویان اوشبو تومنده شدتلی آتیشمه‌نی دوامی بار و کمکی کوچ یوباریلمه‌گنی سبب، بیر پوسته طالبان قولیگه سقوط قیلگن.

اناردره تومنیده جایلشگن حربی‌لردن بیری نینگ ایتیشیچه، مذکور پوسته نینگ سقوط قیلگنی سبب، امنیتی کوچلردن ایکی ته‌سی یره‌لنگن.

پولیس اوشبو رسمی‌سی نینگ ایتیشیچه، اناردره تومنی ۳ کوندن بویان طالبان قمراویگه قرار تاپگن و بو مدت‌ده نیچه مرته محلی و مرکزی دولت‌دن یاردم ایسته‌گنلر، لیکن حاضرگه‌قدر هیچ‌قنده‌ی یاردم صورت تاپمه‌گن.

اونینگ حکومت رهبرلری اینیقسه امنیتی نهادلر مسوول‌لریدن تنقید قیلیب ایتیشیچه، امنیتی کوچلرنینگ بوتون تجهیزات‌لری یکونلنگن، بیراق حکومت هیچ‌قنده‌ی دقت قیلمه‌یدی. اونینگ آگاه‌لنتیریشیچه، کمکی کوچ یوباریلمه‌گن صورتده، اناردره تومنی نینگ پولیس قومندانلیگی‌نی طالبان قولی‌گه سقوط قیلیشی ممکن.

فراه ولایتی کینگش اورین باسری شاه‌محمود نعیمی نینگ اناردره تومنی قمراوگه قرار تاپگنی‌نی تصدیق‌‎لب ایتیشیچه، یاردم صورت تاپمه‌گن حالده، اوشبو تومن‌نی هم لاش‌وجوین تومنی کبی طالبان قولیگه سقوط قیلیشی ممکن. اونینگ ایتیشیچه، امنیتی کوچلرنینگ یاردم ایسته‌ش‌لرینی فراه محلی اداره‌سی بیلن شریک قیلگن‌لر، لیکن حاضرگه‌قدر دقت بولمه‌گن.

بیراق، فراه پولیس قومندانلیگی سوزلاوچیسی فاروق حضرتی نینگ اناردره تومنیده حربی تجهیزات یکونلنگنی‌نی رد قیلیب سلام‌وطندارگه ایتیشیچه، اوشبو تومن ده ییترلیچه حربی تجهیزات موجود دیر.

مرتبط با این خبر:

کلیدی کلمه‌لر: // // //

شریک قیلینگ:
به اشتراک گذاری بر روی facebook
به اشتراک گذاری بر روی twitter
به اشتراک گذاری بر روی telegram
به اشتراک گذاری بر روی whatsapp
به اشتراک گذاری بر روی email
به اشتراک گذاری بر روی print
خبر اوقووچی
تیگیشلی خبرلر و تحلیل‌لر

سلام‌وطندار خبرلری و گزارش‌لری نینگ اجتماعی ترماق‌لردن تعقیب قیلینگ:

فیسبوک

توییتر

تلگرام