افغانستان تینچ‌لیک مذاکره‌سی نینگ ایکینچی دوری قطر اولکه‌سیده باشلنیشی و حکومت بیلن طالبان گروهی تامانیدن تینچ‌لیک مذاکره‌نی آلغه آلیب باره دیگن هیأت‌لر آره‌سیده نیچه مرته ییغین اوتکزیلیشی بیلن، طالبان گروهی نینگ سیاسی اورین باسری ملا عبدالغنی برادر، طالبان گروهی هیأتی نینگ باشلیغی عبدالحکیم حقانی و اوشبو گروه نینگ باشقه نیچه اعضاسی پاکستان اولکه‌سیدن قطر اولکه‌سی گه قیتیب کیلمه‌گنی حقیده گزارش‌لر ترقه‌تیلگن.

طالبان گروهی نینگ اوشبو اعضالری، تینچ‌لیک مذاکره‌سی نینگ بیرینچی دوری قوس آیی نی ۲۴ – کونیده توخته‌تیلگنیدن کیین پاکستان اولکه‌سی گه سفر قیلگن ایدیلر. لیکن محرم بیر منبع سلام‌وطندارگه ایتیشی گه تینچ‌لیک مذاکره‌سی ایکینچی دوری باشلنیشی بیلن طالبان گروهی نینگ بیر قطار اعضاسی تینچ‌لیک مذاکره سی بولیب اوته‌دیگن قطر اولکه‌سی گه قیتیب کیلمه‌گن‌لر.

حکومت تامانیدن تینچ‌لیک مذاکره‌نی آلغه آلیب باره‌دیگن غلام فاروق مجروح نینگ ایتیشیچه، حاضر گچه دولت و طالبان گروهی نماینده‌لری آره‌سیده عمومی ییغین باشلنمه‌گن و انه‌شو باعث کیم کیلیب – کیلمه‌گنی نی انیق بیللی ایمس.

گرچند طالبان گروهی، هیأتی نینگ یوقاری لوازملی مسؤل‌لری پاکستان اولکه‌سیدن دوحه شهریگه کیلیب – کیلمه‌گنی خصوصیده رسمی شکلده فکر بیلدیرگنی یوق، لیکن بوندن آلدین طالبان گروهی نی قطرده‌گی سیاسی دفتری نینگ سوزلاوچیسی محمد نعیم وردک سلام‌وطندار بیلن صحبت قیلیب، تینچ‌لیک مذاکره‌سی نینگ ایکینچی دوری اوتکزیلیشی خصوصیده طالبان گروهی بوتونلی صورتده تیارلیگی‌نی بیلدیرگن ایدی.

خلق‌ارا علاقه‌لردن خبردار بولگن محب شریف نینگ ایتیشیچه، طالبان گروهی نینگ بیر قطار اعضاسی پاکستان اولکه‌سیدن دوحه شهریگه حاضر گچه قیتیب بارمه‌گن بولسه، تینچ‌لیک مذاکره‌سی نینگ ایکینچی دوری کوپینچه زمان آلیشی ممکن.

دولت نینگ تینچ‌لیک بوییچه وزیرلیگی مسؤل‌لری هم اوشبو خصوصده هیچ قندی فکر بیلدیرمه‌یدیلر.

انه شوحالده ملی مصالحه کینگشی نینگ ایتیشیچه، افغانستان اسلامی جمهوریت دولتی تامانیدن تینچ‌لیک مذاکره‌نی آلغه آلیب باره دیگن بیر قطار هیأت هم شخصی قیین‌چیلیگی باعث قطر اولکه‌سی گه کیتیشده موفق بولمه‌گن.

افغانستان اسلامی جمهوریت دولتی نینگ کوپینچه هیأتی، تینچ‌لیک مذاکره‌سی ایکینچی دورینی باشله‌‎تیش اوچون جدی آیی نینگ ۱۶ – کونی قطر اولکه‌سی گه سفر قیلگن.

کلیدی کلمه‌لر: // //

شریک قیلینگ:
خبر اوقووچی
تیگیشلی خبرلر و تحلیل‌لر

سلام‌وطندار خبرلری و گزارش‌لری نینگ اجتماعی ترماق‌لردن تعقیب قیلینگ:

فیسبوک

توییتر

تلگرام