ینگی‌لیکده قزاقستان‌لیک رسانه‌لری افغانستان اوچون بیرلشگن ملت‌لر تشکیلاتی نینگ خاص نماینده‌سی دیبرا لاینز و همراه هیاتی نینگ اوشبو مملکت جمهوررئیسی قاسم جومر توقایف بیلن اوچره‌شگنی‌دن خبر بیرگن‌لر. اوشبو اوچره‌شووده، افغانستان وضعیتی، ترورچیلیککه قرشی کوره‌ش و افغانستان خصوصیده اورته آسیا و اروپا اتفاقی خاص نماینده‌لری نینگ ایکی کون آلدین اوتکزگنلری ییغین نتیجه‌‌سی اوشبو اوچره‌شوو نینگ اصلی موضوع‌لریدن دیلگن.
مذکور ییغین افغانستان خصوصیده یولگه قوییلگن ایدی؛ بیراق باشقه ییغین‌لر اسلوبی اساسیده، افغانستان‌دن نماینده چقیریلمه‌ی یولگه قوییلگن. شونده‌ی بیرحالده، اسلامی امارت مسئوللری نینگ ایتیش‌لریچه، افغانستان گه انسان‌دوستلیک یاردم‌لر نی جلب قیلیش اوچون بوله‌دیگن سعی و حرکت‌لرنی خوش قرشی‌له‌یدی و تشقی مملکت‌لر نینگ خواطرلرینی مذاکره آرقه‌لی حل قیلیش اوچون تیار دیر.
بیزلرنینگ فیسبوک صحیفه‌میزگه باش اورینگ!
اسلامی امارت سوزلاوچیسی اورین‌باسرلریدن انعام‌الله سمنگانی نینگ سلام‌وطندار گه ایتیشیچه: «اسلامی امارت نینگ ریجه‌سی بیللی و تشقی مملکت‌لر خواطرلری نی سوزلشوو و مذاکره بیلن حل قیلیب و اولرنی قانیقتیریش اوچون تیار دیر.» سیاسی ایش بیلرمان‌لر نینگ ایشانچ‌لری گه کوره، اسلامی امارت وعده‌لری گه عملی قیلمسلیکلری، تشقی ییغین‌لر گه دعوت بولمه‌ی و افغانستان خصوصیده‌گی مسئله‌لر اوشبو مملکت‌دن هیچ بیر نماینده نینگ حضوری بولمسدن بحث و تحلیل بولیشی گه سبب بولگن.
سیاسی مسئله‌لر بیلرمانی طارق فرهادی نینگ ایتیشیچه: «اوتگن ۹ آی جریانیده دنیا جماعه‌چیلیگی، افغانستان نینگ حاضرگی حکومتی بیرگن وعده‌لری نی عملی قیلمسلیگی گه گواه ایدی. سرپرست حکومت وعده‌لرینی عملی قیلمه‌گنی باعث، دنیا جماعه‌چیلیگی افغانستان‌دن ییغین‌لر گه دعوت قیلمه‌یشی ممکن.»
بیزلرنینگ توییترده هم تعقیب قیلینگ!
عین‌حالده، سیاسی مسئله‌لر بیلرمان‌لریدن باشقه بیری ویس ناصری نینگ ایشانچی گه کوره، دنیا افغانستان نینگ حساس وضعیتی خصوصیده خواطرده و مملکت اقتصادی و امنیتی نینگ یامان‌لنیشی، دنیا جماعه نینگ افغانستان کیله‌جگی توغریسیده خواطرلنتیرگن. اونگه کوره، افغانستان سرپرست حکومتی نینگ رفتارلری، دنیا جماعه‌چیلیگی نینگ امید‌سیزلیگی گه سبب بولگن.
شونده‌ی بیرحالده، سونگی کون‌لرده بیر قطار مملکت‌لرده افغانستان وضعیتی گه دایر کوپینچه ییغین‌لر یولگه قوییلدی؛ بیراق افغانستان‌دن هیچ بیر نماینده نینگ حضوری یوق ایدی. ایتیش کیره‌ک که، اسلامی امارت حاضرگچه هیچ بیر مملکت تامانیدن رسمیت گه تانیلمه‌گن.
