افغانستان ده اسلامی امارت نینگ قدرت گه ایریشگنیدن بیر ییلدن کوپراق اوتگنیدن کیین، رسانهلر تخطی کمیسیونی مملکتده فعالیتی نی قیتهدن باشلهگن دیر.
معلومات و مدنیت وزیرلیگیده رسانهلر نشراتی نی کوزهتیش مسئولی عبدالحق حماد نینگ سلاموطندار گه ایتیشیچه، رسانهلر تخطی کمیسیونی قیته ایشی گه باشلب و بوگون معلومات و مدنیت وزیرلیگیده بیرینچی ییغینی نی یولگه قویگن.
جناب حماد گه کوره، رسانهلر تخطی کمیسیونی نینگ بیرینچی ییغینی معلومات و مدنیت وزیرلیگی سرپرستی خیرالله خیرخواه نینگ سرپرستلیگیده تورلی دولتی نهادلر، سیاستچیلر و جماعهچیلردن قوشیلگن ۱۲ اعضا بیلن یولگه قوییلگن دیر.
بیزلرنینگ توییترده هم تعقیب قیلینگ!
معلومات و مدنیت وزیرلیگیده رسانهلر نشراتی نی کوزهتیش مسئولی نینگ کوپهیتیریشیچه، اوشبو کمیسیون اعضاسی اسلامی امارت رسمیلری نینگ ضرورتی گه کوره تعیینلنگن و اولر نینگ سانی گه اوزگریش کیلیشی ممکن.
باشقه بیر تاماندن، عبدالحق حماد سابق دولتده رسانهلر تخطی کمیسیونی نینگ فعالیتیدن تنقیدلب تاکید قیلگن که، اوشبو کمیسیون گه کوپینچه صلاحیتلر بیریلگن دیر.
اونینگ ایتیشیچه: «یوق، سیلاو ایمس ایدی، اسلامی امارت رهبری نینگ فکری گه قرهب و شونینگدیک اوشبو کمیسیون نینگ مستقل بولیشی گه قرهب رسانهلر نینگ قیینچیلیکلری یخشیراق کمیسیون گه ییتیشیشی اوچون بیر ساختار ایجاد بولگن.»
شوندهی بیرحالده، افغانستان رسانهلریدن حمایت قیلووچی نهادلردن قطاری، اوشبو کمیسیون نینگ تشکیلاتی و توزهلیشی بولیمی ده اولر نینگ هماهنگلیگی یوقلیگیدن تنقیدلری بار.
اولر رسانهلر تخطی کمیسیونی نینگ قیته ایش گه باشلهگنیدن خورسندلیک بیلدیرگنلر؛ بیراق رسانهیی نهادلر بیلن کوپراق هماهنگلیک قیلیشلری نی ایستهیدیلر.
بیزلرنینگ فیسبوک صحیفهمیزگه باش اورینگ!
افغانستان ایرکین رسانهلر نینگ حمایت قیلووچی نهاد یا-ده نی مسئولی و افغانستان رسانهیی نهادلر و ژورنالیستلر فدراسیونی ظریف کریمی نینگ ایتیشیچه: «بیزلر کمیسیون نینگ قیته ایش گه باشلهگنی، ساختاری و ایشی نینگ قندهیلیگی و اونینگ اعضاسی حقیده هیچ خبریمیز یوق. نیچه مرته معلومات و مدنیت وزیرلیگیدن رسانهلر تخطی کمیسیونی نینگ رسانهیی نهادلر بیلن هماهنگ قیلیب ایش گه باشلنیشی و کمیسیون راسیده مسلیکی کیشیلر نینگ آلینیشی نی ایستهدیک.»
عین حالده، افغانستان ده اسلامی امارت نینگ قدرت گه ایریشگنیدن کیین، بیر ییل جریانیده، رسانهلر و خبرچیلر جدی قیینچیلیکلر بیلن روپهره ایدیلر. بو مدتده، نیچه مرته خبرچیلر اسلامی امارت کوچلری تامانیدن قولگه آلینیب و کلتکلنگلر.