اسلامی امارت خوفسیزلیک نهادلری تامانیدن خبرچیلر و میدیا ایشلاوچیلری قولگه آلینیشی، میدیالرنی قوللب قوتلاوچی نهادلر نینگ قتیق تنقیدی گه روپه‌رو بولگن.
خبرچیلر مصئونیت کمیته‌سی، اسلامی امارت نینگ بو ایشینی ناقانونی اوقیب ایتیشیچه، ژورنالیست‌لر قولگه آلینیشی عمومی میدیا وضعیتی و فعالیت‌لری اوستیگه سلبی تاثیر قیله‌دی.
افغان خبرچیلر مصئونیت کمیته عضوی جمیل وقار نینگ سلام‌وطندار گه ایتیشیچه، اسلامی امارت ایرکین سوز و میدیالر ایشلری نهادینه بولیشی اوچون حاضرگچه هیچ بیر تعهد بیرمه‌گن. جناب وقار گه کوره، مملکت بویلب میدیالر وضعیتی یخشی‌لنیشی مقصدیده، اسلامی امارت رسانه‌لر تخطیسی و اطلاعات گه قول تاپیش کمیسیون‌لر فعالیتینی قیته‌دن باشله‌یشی کیره‌ک.
بیزلرنینگ فیسبوک صحیفه‌میزگه باش اورینگ!
جمیل وقار نینگ کوپه‌یتیریشیچه: «مذکور کمیسیون فعال بولیب و معلومات گه قول تاپیش قانونی جدی شکلده تعقیب بولمه‌گن صورت‌ده، بیزلر قیین‌چیلیگلر نینگ کمه‌یشیدن امیدوار ایمس‌میز.» باشقه بیر تاماندن، افغانستان رسانه‌لری و ژورنالیست‌لر نهادلری نینگ فدراسیونی، شونینگدیک اوشبو کمیسیون نینگ قیته باشله‌نیشی نی سوره‌گن.
مذکور فدراسیون رهبر عضوی سیدعلی اشغر اکبرزاده نینگ سلام‌وطندار گه ایتیشیچه: «کمیسیون گه، معلومات گه قول تاپیشی اوچون حق بیریب و اونینگ فعال بولیشی نی ایتگن ایدیلر که بو ایش نی انجام بیریشلری کیره‌ک. اوشبو قیین‌چیلیکلردن چیقیش اوچون اینگ یخشی گزینه شو دیر و بو ایکی کمیسیون نینگ فعال بولیشی کیره‌ک.»
اطلاعات گه قول تاپیش کمیسیون نینگ سابق کمیشنری زهرا موسوی، اسلامی امارت کوچلری تامانیدن خبرچیلر و میدیا ایشلاوچیلری قولگه آلینیشی گه عکس‌العمل کورسه‌تیب فیس‌بوکی ده یازیشیچه، بو ایش میدیالر نینگ قانون-قاعده‌لری گه قرشی دیر.
نیچه کون آلدین، اسلامی امارت تامانیدن میدیالر قانونی عملی بولیشی اعلام بولدی و رسانه‌لر تخطی کمیسیونی و حکومت همده میدیالر نینگ قوشمه کمیسیونی ایجاد ایتیلیشی وعده بیریلگندی؛ لیکن اوشبو کمیسیون‌لر حاضر گچه ایجادایتیلمه‌گن.
عین‌حالده، خبرچیلردن قطاری، میدیا ایشلاوچیلری قولگه آلینیشیدن خواطر بیلدیریب و بو ایشنی ایرکین سوز و میدیا فعالیتی گه قرشی عنوان قیله‌دیلر. اوشبو خبرچیلر گه کوره، خبرنگارلر و میدیا ایشلاوچیلری حبس گه آلینیشی اولرنی خود سانسورلیککه سوق بیره‌دی.
خبرچیلردن احمد حسینی و رحمت‌الله سخاورز نینگ ایتیشیچه: «تنقیدلر بیان بولیب و انتقادی گزارشلر نشر بولگن صورت‌ده، بولر تیکشیریش آستیده قرار تاپه‌دی. مذکور اقدام‌لر و قولگه آلینیشلر دوام قیلگنیده، رسانه‌لر و خبرچیلر ایشلری گه سلبی تاثیر قوییب و خبرچیلر نی خود‌سانسورلیککه سوق بیره‌دی.»
شونینگدیک خبرچیلردن باشقه بیری رحمت‌الله سخاورز نینگ ایتیشیچه: «اسلامی امارت‌دن خبرچیلر نینگ اوزباشیمچه‌لیک قولگه آلینیشی توخته‌تیب و معلومات گه قول تاپیش‌لری اوچون زمینه یره‌تیشلری نی سوره‌گن.»
رسانه‌لر تخطیسی گه ایریشیش کمیسیون فعالیتی باره‌سیده اسلامی امارت رسمی‌لری نینگ فکر-ملاحظه‌سینی اورگه‌نیش ایسته‌دیک؛ لیکن اسلامی امارت سولاوچیسی نینگ اورین باسری بلال کریمی، سوال گه ماس جواب قیترمه‌دی.
بیزلرنینگ توییترده هم تعقیب قیلینگ!
کریمی نینگ ایتیشیچه: «اسلامی امارت رسانه‌لر بیلن کوپ تماس‌لر انجام بیرگنلر ۳۰دن آرتیق اسلامی امارت مسئوللری رسانه‌یی نماینده‌لر بیلن اوچره‌شوولر انجام بیریب و کیله‌جکده قیین‌چیلیک و تخطی حساب‌لنگن تورلی موضوع‌لر خصوصیده اوزین صحبت‌لر اوتکزگنلر.»
عین‌حالده، خبرچیلر و میدیا ایشلاوچیلری نینگ قولگه آلینیشی خلق‌ارا واکنش‌لر گه روپه‌رو بولگن. افغانستان بوییچه آمریکا ایلچیسی یان مک‌کری، اسلامی امارت تامانیدن خبرچیلر نینگ قولگه آلینیشی خصوصیده خواطر بیلدیرگن. او اسلامی امارت‌دن بو ایشلری گه چیک قوییشینی طلب قیلگن. افغانستان‌ده بیرلشگن ملت‌لر تشکیلاتی نینگ اورین باسرلیک هیأت دفتری یا_ده یوناما، خبرچیلر قولگه آلینیشینی اوز باشیمچه‌لیک عنوان قیلگن.
