هلمند ولایتی‌ده عیال خبرچیلردن قطاری نینگ ایتیش‌لریچه، اسلامی امارت قدرت گه ایریشگنیدن کیین، ایشلری نی ترک قیلیب یا-ده قولدن بیرگنلر.
هلمند خبرچیلریدن بیری سمینه افغان، ۶ ییل‌دن بیری مذکور ولایت نینگ محلی رسانه‌لریده ایش قیله‌ر ایکن، اونینگ ایتیشیچه، سابق دولت نینگ سقوط قیلگنیدن کیین، ایشی گه کیتمه‌گن.
اونینگ ایتیشیچه، حاضرگچه همکار بولگن بوتون رسانه‌‌لری مالی قیین‌چیلیک بیلن روپه‌رو دیر و خبرچیلری نینگ تمویل قیله‌آلمه‌یدیلر. سمینه نینگ کوپه‌یتیریشیچه، هلمند شامل قطار ولایت‌لرده عیال خبرچیلر گه چیکلاو یره‌تیلگن دیر و اولر رسانه‌لرده ایش قیله‌آلمه‌یدیلر.
بیزلرنینگ فیسبوک صحیفه‌میزگه باش اورینگ!
سمینه گه کوره، خبرچیلردن برچه‌سی اینیقسه اوشبو ولایت نینگ عیال خبرچیلری ایش‌سیزلیک و قیین‌چیلیکلر باعث، روانی کسل‌لیککه چلینگنلر.
شونده‌ی بیرحالده، مذکور ولایت نینگ معلومات و مدنیت ریاست رئیسی سلطان محمد حنیف، اسلامی امارت نینگ قدرت گه ایریشگنیدن کیین، اوشبو ولایت‌ده هیچ بیر عیال خبرچی ایشلری گه حاضر بولمه‌گنلری نی قبول قیله‌دی، بیراق اونینگ اورغولشیچه، اسلامی امارت عیال خبرچیلر نینگ ایشلری گه ممانعت قیلمه‌گن و شونینگدیک بو زمینه‌ده هیچ قنده‌ی چیکلاو یره‌تیلمه‌گن.
بیزلرنینگ توییترده هم تعقیب قیلینگ!
معلومات و مدنیت ریاست رئیسی نینگ کوپه‌یتیریشیچه، اسلامی امارت نینگ قانونلری نی رعایت قیلیش بیلن، عیال خبرچیلر ایشلری گه قیته باریب و فعالیت قیلیشلری ممکن.
ایتیش‌کیره‌ک که، افغانستانده اسلامی امارت نینگ قدرت گه ایریشگنیدن کیین، هلمندده بُست رادیوسی، موسکا رادیوسی، ژوندون رادیوسی و سباوون تلویزیونی شامل ۵ محلی رسانه نینگ فعالیت‌لری توخته‌گن دیر. بو آره‌ده موسکا رادیوسی یالغیز عیاللر اوچون فعالیت قیله‌ر ایکن و شونینگدیک بوتون ایشلاوچیلری عیاللر ایکن.
