کابل شهریدهگی ایشلاوچیلردن قطاری نینگ ایتیشلریچه، ایشسیزلیک و قشاقلیکدن زیریککنلر و هفتهده اوچ یا-ده تورت کون آخشم پیتلری اوی گه هیچ نرسه آلیب باره آلمهیدیلر.
کابل یشاوچیلریدن شفیعالله، تورت کیشیلیک بیر عایله سرپرستی دیر. اونینگ ایتیشیچه، هفتهده یالغیز ایکی کون ایش تاپه آلهدی که، اونینگ درآمدی بیلن هم عایله خرهجتی نی تامین قیله آلمهیدی.
اونینگ کوپهیتیریشیچه، عایله خرهجتی نی تامینلش وچون، دایم یقینداشلریدن قرض آلیش گه مجبور بولگن؛ بیراق اوشبو وضعیت نینگ دوام قیلگنی سبب، حاضر ایسه هیچ کیم قرض بیریش گه حاضر بولمهیدی.
بیزلرنینگ توییترده هم تعقیب قیلینگ!
اونگه کوره: «تورت کیشیلیک بیر عایله سرپرستیمین. یالغیز هفتهده ایکی کون ایشلهیمن و عایله خرهجتی نی تامینلش اوچون یقینداشلریمیزدن قرض آلیش گه مجبور بولگنمین و قرضلریم کوپهیگنی پیتده، اولر هم مینگه قرض بیرمهیدیلر.»
ایشچیلیک اوچون کابل گه کیلگن بغلان یشاوچیسی اسماعیل نینگ ایتیشیچه، بعضی کونلر توش ییمگی اوچون اقارب و یقینداشلریدن پول قرض آلیش گه مجبور بولهدی.
اسماعیل نینگ کوپهیتیریشیچه: «بغلاندن کیلگنمین و عایله خرهجتی نی تامینلش اوچون کابل گه کیلدیب ایشچیلیک قیلهمن. کابل ده هم بیر قنچه کون ایشسیز قالهمن و حیاتیمی کیچیریش اوچون باشقهلردن قرض آلیش گه مجبور بولهمن.»
شوندهی بیرحالده، اقتصاد وزیرلیگی مسئوللری نینگ ایتیشلریچه، مملکتده ایشسیزلیک و قشاقلیک نی کمهیتیریش اوچون بیر قطار برنامهلر نی قولگه آلگنلر.
بیزلرنینگ فیسبوک صحیفهمیزگه باش اورینگ!
اوشبو وزیرلیک سوزلاوچیسی عبدالرحمان حبیب نینگ ایتیشیچه: «مملکت ناخالص تولیدلری نینگ ترقیاتی بولیمیده و شونینگدیک قشاقلیک نی کمهیتیریش، سرمایه یاتقیزیش و شونینگدیک ایکینچیلیک، صناعت و کان بولیمیدن حمایت قیلیش اوچون ایش زمینهسی نی یرهتیش بیزلر نینگ اولویتیمیز دیر.»
ایتیش کیرهک که، بیرلشگن ملتلر تشکیلاتی نینگ انساندوستلیک یاردملر نی هماهنگ قیلووچی دفتری یا-ده اوچا نینگ ایتیشیچه، ۲۰۱۹-ییل گه قرهگنده ایشسیزلیک و قشاقلیک سبب، افغانستان یشاوچیلری نینگ قرض آلیش سطحی کوپهیگن دیر.
مذکور نهاد نینگ کوپهیتیریشیچه، ۲۰۱۹-ییلده هر بیر عایله، متوسط بیر شکلده ۹ مینگ ۷۷۰ افغانی قرضدار ایکن که، ۲۰۲۲-ییلده بو رقم ۶۰ مینگ افغانی گه ییتیشگن.