اوتگن ییل‌لرده‌گی اوروش‌لر، قورغاقچیلیک، ایکینچیلیک محصولات بازاری کمرنگ‌لیگی و ایش فرصت‌لری یوق‌لیگی، هلمند یشاوچیلریدن بیرقطاری نینگ اقتصادی قیینچیلیک بیلن روپه‌ره قیلگن عامل‌لردن سنله‌دی.
هلمند ده‌گی عایله‌لردن قطاری نینگ سلام‌وطندار گه ایتیشلریچه، قشاقلیک، ایش‌سیزلیک و محتاج‌لیک باعث اوی اجاره‌لرینی توللـه آلمه‌ی و بوزیلگن دوکان‌لرده تیریکچیلیک قیلیش گه مجبور بولگنلر.
هلمندلیک اوچ فرزند آته‌سی سمیع‌الله نینگ ایتیشیچه، تورت آی‌لیک قیزی هوا ساووق‌لیگی باعث موسومی کسللیککه چلینگن. اونگه کوره، اقتصادی قیینچیلیک و قشاقلیک باعث اوی اجاره‌سینی توللـه آلمه‌ی بوزیلگن دوکان‌لرده تیریکچیلیک قیلماقده‌لر و یالغیز ایکی سیر اون‌لری بار.
بیزلرنینگ فیسبوک صحیفه‌میزگه باش اورینگ!
اقتصادی قیینچیلیک و کمبغل‌لیک بیلن روپه‌ره بولگن هلمند مرکزی لشکرگاه شهری ده‌گی عایله‌لردن باشقه بیرقطاری نینگ ایتیشلریچه، اوی اجاره‌سی قیمت‌لیگی، ایش‌سیزلیک و اقتصادی قیینچیلیک باعث، مارکیت‌لر و بوزیلگن دوکان‌لرده تیریکچیلیک قیلیشماقده. اولر نینگ کوپه‌یتیریشیچه، آی‌لردن بویان اوشبو دوکان‌لرده حیات کیچیریشماقده؛ بیراق کیمسه اولر گه یاردم بیرمه‌گن.
هلمند معلومات و مدنیت ریاستی نینگ اورین باسری محمدقاسم ریاض گه کوره، لشکرگاه شهری و باشقه منطقه‌لرده‌گی محتاج عایله‌لرنی تیکشیریب و یاردم بیرووچی نهادلر اویغون‌لیگی بیلن اولر گه یاردم بیریش اوچون، دولتی اداره‌لردن تشکیل ایتیلگن بیر کمیسیون گه وظیفه تاپشیریلگن.
جناب ریاض نینگ ایتیشیچه، محتاج عایله‌لر اوشبو کمیسیون گه تماس آلیش‌لری ممکن.
باشقه تاماندن، اقتصادی ایش بیلرمان‌لردن بیرقطاری مملکت ده قشاق‌لر سانی کوپه‌یشیدن خواطر بیلدیریب ایتیشلریچه، بو ایش جمعیت نینگ تینچ‌سیزلیگی و ثبات‌سیزلیگیگه سبب بوله‌دی.
بیزلرنینگ توییترده هم تعقیب قیلینگ!
هلمند بیلیم یورتی اقتصاد فاکولته‌سی اوقیتووچیلریدن اسدالله اندیال نینگ ایتیشیچه: «بو وضعیت خواطرلی دیر. اقتصاد کوچله‌نیشی و ایچکی منبع‌لردن فایده‌لنیش اوچون اقدام بولمه‌گونچه، ایش‌سیزلیک و قشاق‌لر سانی آشه‌دی، بو گَل ایش اوغیرچیلیک و جمعیت نینگ تینچ‌سیزلیگیگه سبب بوله‌دی.»
مملکت نینگ باشقه ولایت‌لریده، اقتصادی قیینچیلیک و قشاقلیک یشاوچیلرنی تورلی خیل قیینیچلیک بیلن روپه‌ره قیلگن بیرحالده، هلمند یشاوچیلری قشاقلیک و ایش‌سیزلیک دن نالیماقده‌لر.
