هلمند یشاوچیلریدن بیرقطاری، باله‌لرینی درمانلش اوچون اوشبو ولایت نینگ کسلخانه‌سیگه کیلگن ایتیشلریچه، قیش موسومی ییتیب کیلیشی بیلن، موسومی کسل‌لیکلر گه چلینگن باله‌لر سانی آرتگن.
اولر نینگ ایتیشلریچه، اقتصادی قیینچیلیک باعث فرزندلری گه قیش کییم‌لرینی ساتیب آلالمه‌ی و باله‌لری موسومی کسل‌لیکلر اینیقسه سنچیققه (سینه‌بغل) چلینگن.
هلمند یشاوچیلریدن علی‌محمد نینگ ایتیشیچه: «مین هلمند ولایتی کجکی تومنیدن کیلگن‌من، باله‌لریم همه‌سی کسل، اقتصادی قیینچیلیک باعث باله‌لریم گه کییم_کیچک ساتیب آلیش و یشش اوینی ایسیتیش گه کوچیم ییتمه‌یدی.»
هلمند یشاوچیلریدن باشقه بیری بازمحمد گه کوره: «چقه‌لاغیم سنچیق دیر. اوزاق منطقه‌لرده ساغلیک مرکزی یوق، تورتینچی مراتبه دیر که کیله‌من. اقتصادیمیز ضعیف، بخاری اوچون یاقیلغی ماده آلیشگه کوچیمیز ییتمه‌یدی.»
بیزلرنینگ فیسبوک صحیفه‌میزگه باش اورینگ!
هلمند یشاوچیلریدن لعل‌محمد که باله‌سینی درمان اوچون مذکور ولایت نینگ مرکزی کسلخانه‌سیگه آلیب کیلگن، هلمند نینگ ایریم بولیم‌لریده ساغلیک مرکزلر یوق‌لیگیدن شکایت قیلیب ایتیشیچه، اوشبو کسلخانه ده اهالی گه یخشی خدمت کورسه تیلمه‌یدی.
اونگه کوره: «کسلخانه گه کیلسک ساووق‌لیک دن قینه له‌میز؛ چونکه بیمار بیلن کسلخانه گه کیلگن کیشی گه جای یوق دیر. بعضی وقت‌لر باله شفا تاپگن لیکن اوزیمیز کسل بولگن‌میز.»
باشقه تاماندن، هلمند ساغلیق‌نی سقلش مسئوللری، مذکور ولایتده موسومی کسل‌لیکلر گه چلینگنلر سانی کوپه‌یشینی تصدیقلب ایتیشلریچه، کسل‌لرنی درمانلش و اوشبو کسل‌لیکنی آلدینی آلیش مقصدیده سعی و حرکت قیلماقده‌لر.
هلمند ساغلیق‌نی سقلش باشلیغی سیداحمد سعید نینگ ایتیشیچه: «قیش ییتیب کیلیشی بیلن موسومی کسل‌لیکلر کوپه‌یگن؛ بیراق قیش اوچون ییترلی امکانیت و دارو گه ایگه‌میز، تیزلیک بیلن موسومی کسل‌لیکلرنی یوق ایتیش گه اولگوره‌میز.»
عین‌حالده، ساغلیک ایش بیلرمان‌لریدن بیرقطاری، باله‌لر نینگ موسمی کسل‌لیکلر گه چلینمسلیگی اوچون، اولر گه ایسیق کییم_کیچک کیدیریلیشی و طبی قاعده‌لر رعایت ایتیلیشینی طلب قیله‌دیلر.
بیزلرنینگ توییترده هم تعقیب قیلینگ!
ساغلیک ایش بیلرمانی خلیل‌احمد نینگ سلام‌وطندار گه ایتیشیچه: «باله‌لر نینگ موسومی کسل‌لیکلر گه چلینمسلیگی اوچون اینگ قولی یول، طبی قاعده‌لرنی رعایت ایتیش و اولرنی ایسیق اسره‌ش دیر.»
ایتیش کیره‌ک که، افغانستان بویلب کوپ سانده یشاوچیلر، تیکین روشده بیرینچی طبی امکانیت گه ایگه ایمس‌لر.
بیرلشگن ملت‌لر تشکیلاتی عموم جهان ساغلیق‌نی سقلش کونی مناسبتی بیلن، برچه اولکه یشاوچیلریدن بوتوغریده سعی و حرکت قیلیب و کوپراق سرمایه یاتقیزیش‌لرینی طلب قیلگن.
