کابل شهری ده انسان پرورلیک یاردم‌لرنی توزیع قیلیش مرکزلریدن بیری گه یقین بولگنده، ارزیمه‌گن ییگولیک ماده اوستیگه هجوم قیلگن یشاوچیلر بیلن یوزمه یوز بوله‌سیز؛ اولر اوشبو کون‌لرنی کوپ قیینچیلیک بیلن اوتکزیشماقده.
اولر ارا یالغیز ۴۰۰ عایله، محتاج‌لر رویخطی ده کیریتیلگن و صف‌لر گه ساعت‌لرچه توخته‌تشدن کیین، بیر بوجی بوغدای آله‌دیلر. شو بیلن بیرگه، محتاج‌لر رویخطی ده آتی کیریتیلمه‌گن کیشی‌لر هم مذکور مرکز گه مراجعت قیلگن.
بیزلرنینگ فیسبوک صحیفه‌میزگه باش اورینگ!
صف گه توخته‌گن محتاج کیشی‌لر، حیات‌لریده‌گی معمالردن نالیسه‌لرده لیکن رویخط گه آت‌لری کیریتیلیشیدن خورسندلر؛ بیراق اوشبو یاردم‌لرنی ییترلی بیلمه‌ی حکومت و یاردم بیرووچی نهادلردن اولر گه یاردم بیریش‌لرینی طلب قیلیشه‌دی.
کسل باله‌سینی بغریده باسیب تورگن محتاج عایله‌لردن حمیده نینگ ایتیشیچه، ایری بیر لقمه نان تاپیش اوچون هر کونی شهر گه سرگردان، بیراق کوپ وقت‌لری هیچ نرسه تاپمسدن اوی گه قیته‌دی. «غریب و محتاج میز، ایریم نینگ کراچیسی بار. بعضی وقت‌لر ایش تاپه‌دی و بعضی وقت‌لر تاپمه‌یدی؛ تاپگن صورتده ۵۰ یا ۶۰ افغانی تاپه‌دی. بو پول بیلن اون، یاغ و برنج قیسی بیرینی آله‌یدیک؟»
حمیده گه علاوه سیماسیدن محتاج‌لیگی بیللی تورپیکی اسملی باشقه بیر عیال بو ییرده. تورپیکی نینگ ایری یالغیز عایله اعضالری نینگ خرجتینی تأمینلر ایدی، اما نیچه کوندن بویان کیکسه‌لیک و کسللیگی باعث عایله اعضالری نینگ خرجتینی تأمینلشدن عاجز قالگن. اونینگ کوپه‌یتیریشیچه: «قوشنی‌لریمیز یاردم بیریشه‌دی، احوالیمیز چتاغ. بو ییل برچه نینگ احوالی آغیر و یاردم هم بیریشه‌دی. سابق‌لری کوپراق یاردم بیریشر ایدی، یشش اوییمیز ساووق دیر.»
بیزلرنینگ توییترده هم تعقیب قیلینگ!
عین‌حالده، طبیعی آفت‌لرنی باشقریش بوییچه دولت وزیرلیگی سرپرستی محمدعباس آخوند، محتاج عایله‌لر گه یاردم‌لرنی توزیع قیلیش چاغیده، اولکه بویلب محتاج‌لر سانی گه اشاره قیلیب، بوتوغریده دقت قیلینیشینی طلب قیله‌دی. شونینگدیک او محتاج‌لر گه یاردم‌لر شفاف و عادلانه توزیع بولیشی اوستیگه تأکیدلب ایتیشیچه: «بیر سوزنی نیچه مراتبه ایتدیم ینه هم تکرار قیله‌من، خارج دن کیله‌دیگن یاردم‌لر کمبغل کیشی‌لر اوچون دیر؛ باشقه‌لر گه جایز ایمس. بیز بونگه خیانت قیلسک و باشقه‌لر گه بیرسک، اوغیرلیک کبی دیر.»
ایتیش کیره‌ک که، اسلام امیرلیگی حاکمیت گه ایریشگنیدن بویان اولکه بویلب ایش‌سیزلیک و محتاج‌لر سانی کونسه‌یین آشماقده؛ حتا مملکت نینگ بعضی منطقه‌لریده، اهالی قشاقلیک باعث فرزندلرینی ساتیب و سودا گه قویگن.
