Asset 1SWN

پاکستان ده افغان خبرچیلر نینگ قیین‌چیلیک‌لری؛ «قشاق‌لیک سبب بویره‌کیم نی ساته‌من»

journalists

پاکستان ده افغان خبرچیلردن قطاری اقتصادی قیین‌چیلیک‌دن شکایت قیلیب و نابیللی کیله‌‌جک‌لری خصوصیده خواطر بیلدیرگنلر.

اسلام امیر‌لیگی نینگ قدرت گه ایریشگنیدن کیین، پاکستان گه کیتگن خبرچی‌لر نینگ ایتیش‌لریچه، بیرییل‌‌دن بیری حاضرگچه تقدیرلری بیللی بولمه‌گن.

شونده‌ی بیرحالده، خبرچی‌لردن بیری سمیع جهش اسلام امیر‌لیگی نینگ قدرت گه ایریشگنیدن کیین، اوچینچی مملکت گه ییتیشیش اوچون پاکستان گه کیتگن. او اوتگن کون بیر توییت آرقه‌لی نادار‌لیک طفیلی بویره‌کی نی ساتیش خصوصیده قرار آلگنی نی اعلام قیلگن.

اونینگ سلام‌وطندار گه ایتیشیچه: «یالغیز مین ایمس، تهدید و حبس گه آلینگن یوزلرچه خبر‌چی حل بیر یول تاپیلیشی اوچون مین کبی پاکستان گه کیلگن، بیراق بیر ییل‌دن کوپراق بوله‌دی که پاکستان‌ده مین و حاضرگچه هیچ بیر ایلچی‌خانه بیزلر گه ویزه بیرمه‌گن چونکه، بو ییر گه خبرچی اسمی‌ده جعلی سند‌لر بیلن کوپینچه کیشی کیلگن.»

عین حالده، پاکستان ده حیات کیچیره‌دیگن خبرچیلردن باشقه بیری میرویس زازی نینگ ایتیشیچه: «پاکستان ده حیات کیچیره‌دیگن خبرچیلردن کوپ قطاری، یامان بیر وضعیت‌ده دیر و اولردن بیر آزی قیین‌چیلیک‌لری نی بیان قیلیش گه جسارت قیله‌دیلر. خبرچیلر نی انتقال بیریش پروسه‌سی جوده‌یم آهسته و خبرچیلر انتقال تاپمه‌ی و اوشبو پروسه بو رقم دوام تاپگنی صورت‌ده، قیین‌چیلیک‌لر نینگ کوپه‌یشی ممکن، چونکه بو ییرده ایش زمینه‌سی یوق و شونینگدیک ویزه‌لری نینگ وقتی بیتگن دیر.»

شونده‌ی بیرحالده، اسلام امیر‌لیگی نینگ قدرت گه ایریشگنی‌دن کیین، افغانستان ده رسانه‌لردن کوپینچه‌سی تورلی سبب‌لر اوچون نشرات‌لری نی توخته‌تگنلر و خبرچیلردن کوپینچه‌سی او ییرده قالیش نی انتخاب قیلیب و حیات‌لری نی دوام بیریش اوچون قیین و آغیر‌ ایش‌لر نی انجام بیریش گه مجبور بولگنلر.

باشقه بیر تامان‌دن، افغانستان ده حاضر رسانه‌یی فعالیت بیلن شغللنگن خبرچیلر هم، ایش خصوصیده چیکلاو‌لر و اقتصادی قیین‌چیک‌لردن شکایت قیله‌دیلر.

بیزلرنینگ توییترده هم تعقیب قیلینگ!

کابل‌ ده‌گی خبرچیلردن نورالله زازی نینگ ایتیشیچه: «حتی کابل ده اقتصادی وضعیتی یامان بولگن خبر‌چیلر بار و قیغو بیلن اولردن کوپینچه‌سی ایش‌سیز بولگن.»

شونینگدک کابل ده‌گی خبرچیلردن باشقه بیری سیدبلال احمد صیاد نینگ ایتیشیچه: «معلومات گه قول تاپه آلمسلیک و هماهنگ‌لیک بولمسه‌سلیک و حاضرگی حکومت کوچلری نینگ نادرست رفتار مسئله‌سی خبرچیلر نینگ باشقه بیر قیین‌چیلیک‌لریدن دیر.»

عین حالده، خلق‌ارا خبرچیلر فدراسیونی ینگی‌لیکده بیر گزارش آرقه‌لی اعلام قیلگن که، اوتمیش میلادی ییل دنیا بویلب ۶۸ خبرچی هدف‌لی هجوم‌لر و بمب‌گذارلیک نتیجه‌سیده هلاک بولگن.

بیزلرنینگ فیسبوک صحیفه‌میزگه باش اورینگ! 

گرچند اوشبو گزارش اساسیده، بو ییل افغانستان ده هیچ بیر خبرچی اولدیریلمه‌گن؛ بیراق مذکور مملکت‌ده خبرچیلر قولگه آلینیش و کلتک‌لنیش بیلن روپه‌ره بولگنلر.

افغانستان ایرکین ژورنالیست‌لر بیرلشمه رئیسی حجت‌‌الله مجددی نینگ ایتیشیچه‌: «موقت قولگه آلینیش و معلومات گه قول تاپه آلمه‌یش قیین‌چیلیک‌لری، رسانه‌لر نینگ اقتصادی قیین‌چیلیک اونملی مورد‌لردن دیر که، خلق‌ارا نهاد‌لر گه قره‌یدی. اوتمیش بیر یریم ییل‌ده سعی و حرکت قیلیب و بیرلشگن ملت‌لر و اروپا بیرلشمه‌سی گه بو توغریده بیر طرح هم ارایه قیلدیک.»

ایتیش کیره‌ک که، خلق‌ارا خبرچیلر فدراسیونی ینگی گزارشی‌ده، بیرلشگن ملت‌لر تشکیلاتی‌ده خبرچیلردن حمایت قیلیش اوچون کنوانسیون ایجاد بولیشی نی بویروغ بیرگن.

مرتبط با این خبر:

شریک قیلینگ:
خبر اوقووچی
تیگیشلی خبرلر و تحلیل‌لر

سلام‌وطندار خبرلری و گزارش‌لری نینگ اجتماعی ترماق‌لردن تعقیب قیلینگ:

توییتر

تلگرام