بوندن آلدین پاکستان حکومتی قانونی سند‌لری بولمه‌گن یا-ده ویزه‌لری نینگ وقتی یکونلنگن مهاجرلر گه، ویزه‌لری نی تمدید قیلیش یا-ده اوشبو مملکت‌دن چیقیش‌لری اوچون، ۲۰۲۲-ییل نینگ ۳۱ -دسمبر‌گچه وقت بیرگن ایدی.
لیکن اوشبو وقت نینگ یکونلنیشی و پاکستان پولیسی تامانیدن مهاجرلر نینگ قولگه آلینیشی بیلن، انسان حقوقی و خبرچیلر مذکور مملکت‌ده افغان مهاجرلر نینگ یامان وضعیتی‌دن شکایت قیلهدیلر.
بیزلرنینگ توییترده هم تعقیب قیلینگ!
شونده‌ی بیرحالده، پاکستان ده حیات کیچیره‌دیگن افغانستان‌لیک خبرچی جلیل‌احمد نظری نینگ ایتیشیچه، پاکستان ده افغان مهاجرلر کوپینچه قیینچیلیک بیلن روپه‌ره دیر و مذکور مملکت‌ده‌گی مهاجرلر اوچون بیللی بیر قانون یوق‌لیگی، مهاجرلر برابریده‌گی اونملی قیین‌چیلیک‌لردن دیر.
اونینگ سلام‌وطندار گه ایتیشیچه: «پاکستان ده مهاجرلر کوپینچه قیینچیلیک بیلن روپه‌ره دیر. بو موضوع بیللی که، هر کیم اویی‌دن چیقسه کوپینچه قیینچیلیک بیلن روپه‌ره بوله‌دی؛ لیکن اوشبو مملکت‌ده مهاجرت قانونی یوق‌لیگی، یامان رفتار بولینیشی و پولیس‌لر تامانیدن مهاجرلر نینگ قولگه آلینیشی مهاجرلر نینگ اصلی قیین‌چیلیک‌لریدن دیر.»
باشقه بیر تامان‌دن، پاکستان ده افغانستان مدنی گروپ مسئولی و انسانی حقوق فعالی نجیب حبیبی نینگ ایتیشیچه، افغان مهاجرلردن کوپینچه‌سی کراچی، پشاور و سند شهر‌لریده قیینچیلیک بیلن روپه‌ره‌لر.
شونینگدیک خبرچیلردن جمعه‌خان پویا نینگ ایتیشیچه، پاکستان خلق‌ارا ژنو کنوانسیونی و ۱۹۶۷ ییل مهاجرل حقوق‌لری بولیمی‌ده‌گی قوشیمچه پرتوکول نی ایاغ آستی قیلیشی بیلن، مهاجرلر حقوقی نی کورمس‌لیککه آله‌دی.
شونده‌ی بیرحالده، مهاجرلر وزیرلیگی نینگ سوزلاوچیسی عبدالمطلب حقانی، پاکستان ده افغان مهاجرلر خصوصیده‌گی قیین‌چیلیک‌لر نی حل قیلیش اوچون سعی و حرکت قیلیشی‌دن خبر بیرگن.
بیزلرنینگ فیسبوک صحیفه‌میزگه باش اورینگ!
اونینگ ایتیشیچه: «اوشبو قیینچیلیک نی حل قیلیش اوچون، مهاجرلر وزیری پاکستان ایلچی‌سی بیلن صحبت قیلگن. قانونی سندی بولگن کیشی‌لر قوییب یوباریلگن و ناقانونی بولگن کیشی‌لر ایسه قانونی مرحله‌لری نی اوتکزیش اوچون سعی و حرکت قیلماقده‌لر.»
ایتیش کیره‌ک که، اسلام امیرلیگی نینگ قدرت گه ایریشگنیدن کیین، پاکستان گه افغانستان یشاوچیلریدن کوپ قطاری مهاجر بولگن. مذکور مهاجرلر پاکستان ده کوپینچه قیینچیلیک بیلن حیات کیچیره‌دیلر که، کوپینچه پیت‌لرده پاکستان پولیسی تامانیدن قولگه آلینیب و حبس بولیش بیلن روپه‌ره‌لر.
