ارزگان یشاوچیلریدن قطاری برق بهاسی نینگ کوپهیگنیدن شکایت قیلیب و ایتیشلریچه، اوشبو ولایتده دولتی برق نینگ بیر کیلوواتی ۲۸ افغانی گه ییتیشهدی که، اهالی بو مقدار بها نی توللش گه کوچی ییتیشمهیدی.
اولر نینگ کوپهیتیریشلریچه، اوشبو قیینچیلیککه علاوه، بیر قطار منطقهلر دولتی برق گه قول تاپه آلمهیشلری باعث، خصوصی شرکتلردن بیر کیلووات برق نی ۱۰۰ افغانی گه ساتیب آلیش خصوصیده مجبورلر.
بیزلرنینگ فیسبوک صحیفهمیزگه باش اورینگ!
ارزگان یشاوچیلریدن بیری محمدنبی نینگ ایتیشیچه: «دولتی برق یالغیز شهر و بیر کیلومترلیک فاصلهده ایشلهیدی و اونینگ قیمتی هم هر بیر کیلوواتده ۲۸ افغانی دیر که بیزلر بو وضعیتده هم اوشبو برق گه قول تاپه آلمهیمیز. بو ییرلرده خصوصی بیر شرکت بار که هر کیلووات نی ۲۰۰ پاکستانی روپیه گه بیزلر گه ساتهدی و حاضر اوندن استفاده قیلهمیز.»
شونینگدیک ارزگان یشاوچیلریدن باشقه بیری حکمتالله نینگ ایتیشیچه، دولتی برق بهاسی نی توللش و خصوصی برق نی ساتیب آلیش گه امکانیتلری یوق. او اسلامی امارتدن اوشبو ولایتده برق بهاسی نینگ کمهیب و یشاوچیلردن برچهسی دولتی برق گه قول تاپیشلری نی ایستهیدی.
شوندهی بیرحالده، ارزگان محلی مسئوللری برق بهاسی نینگ کوپلیگی نی قبول قیلیب و ایتیشلریچه، اهالی گه هر کیلووات ۲۸ افغانی، دولتی ادارهلر گه ۳۹ افغانی و شونینگدیک خصوصی موسسهلر گه ۴۲ افغانی تامین بولگن.
بیزلرنینگ توییترده هم تعقیب قیلینگ!
ارزگان حاکمی سوزلاوچیسی علیجان پوهنیار نینگ سلاموطندار گه ایتیشیچه، اسلامی امارت اوشبو ولایتده برق بهاسی نی کمهیتیریش اوچون سعی و حرکت قیلماقده و شونینگدیک بو توغریده بیر برنامهسی هم بار.
شونینگدیک بوندن آلدین هم مرکز و ولایتلردن قطاریده یشاوچیلر، برق ییتکزیش و برق بهاسی نینگ کوپلیگیدن تنقید قیلیب و بو توغریده حکومت نینگ توجه قیلیشی نی ایستهگن ایدیلر.