قندهار صنعتچیلر مسئول‌لری نینگ ایتیشلریچه، اوشبو ولایت نینگ صنعتی‌پارک کارخانه‌لریدن اکثریتی، برق‌سیزلیک باعث یاپیلگن و نتیجه‌ده مینگلب کیشی ایش‌سیز قالگن.
قندهار صنعتچیلر باشلیغی فیض‌الحق مشکانی نینگ ایتیشیچه، اوشبو ولایت نینگ صنعتی پارکی‌ده قریب ۳۵۰ کارخانه موجود که برق یوق‌لیگی باعث ۳۲۰ کارخانه یاپیلیب و یالغیز ۳۰ کارخانه فعالیت قیلماقده.
اونگه کوره، صعنتکارلر و مسئوللر برق قیینچیلیگینی حل قیلیش اوچون تلاش قیلماقده‌لر، بیراق اوشبو قیینچیلیک اوچون ییچیم یول تاپیشمه‌گن. جناب مشکانی نینگ کوپه‌یتیریشیچه، اوشبو کارخانه‌لر یاپیلیشی باعث ۴ مینگ کیشی بیکار قالگن.
بیزلرنینگ فیسبوک صحیفه‌میزگه باش اورینگ!
باشقه تاماندن مذکور کارخانه‌لر نینگ مسئول‌لریدن بولمیش حیات‌الله گه کوره، سابق حکومت برق قیینچیلیکلری حلی اوچون یاردم بیرر ایدی، بیراق اسلامی امارت کیلیشی بیلن اولر نینگ برق‌لری کیسیلگن.
اونینگ کوپه‌یتیریشیچه: «سونگی اوزگریش‌لردن کیین اسلامی امارت بو قیینچیلیکنی حل قیله آلمه‌گن. دولت اوتمیش‌ده بیزلرگه تیل بیرر ایدی که اوشبو تیل بیلن ۱۰ ساعت ایشلر ایدیک و قالگن ساعت‌لرنی شخصی تیل بیلن ایشلر ایدیک. حاضر بیز برچه کون‌نی شخصی جنراتور بیلن ایشله‌یمیز خرجتیمیز آشگن.»
فابریکه ایگه‌لریدن بیری حاجی نصرالله نینگ ایتیشیچه، اکثر کارخانه‌لر یاپیلگن و فعالیت قیله‌دیگن کارخانه‌لر ۳۰دن ۴۰ فایز ایشلاوچیلرینی ایش‌دن بوشتگن‌لر.
عین‌حالده، قندهار برق باشلیغی مولوی محمد حنیف حمزه نینگ ایتیشیچه، کجکی توغانی سو آزلیگی باعث برق کوچی کمه‌یگن و اوشبو توغان نینگ یالغیز بیر توربینی فعال دیر.
اونینگ ایتیشیچه، صنعتچیلر بیلن اوچره‌شگن و کارخانه‌لر نینگ برقینی بوتکول تأمینلش مقصدیده سعی و حرکت قیلماقده‌لر.
بیزلرنینگ توییترده هم تعقیب قیلینگ!
اونگه کوره: «حاضر قندهارده ۶ – ۷ میگاوات برقیمیز بار و ۳۳ میگاوات برق سولری منبع‌لردن تأمینلنه‌دی. سو کوپلسه برق کوچیه‌دی. بیز کارخانه ایگه‌لری بیلن سوزلشدیک و قیینچیلیکلرینی حل قیلیش اوچون وعده بیردیک. اولر نینگ مشکل‌لرینی مرکز بیلن شیریک قیلدیک و مرکز هم اولر نینگ قیینچیلیکلری حل ایتیلیشیدن ایشانچ بیلدیردی.»
اوتگن ییل‌لرده قندهار برقی اوستیگه کوپ سرمایه یاتقیزیلدی؛ بیراق بو ولایت نینگ برق قیینچیلیگی حاضرگچه حل بولمه‌گن.
