قندهار ده باغدارلر نینگ ایتیشلریچه، هر ییل اوشبو ولایت‌ده انار درخت‌لر قوروب یا-ده درخت‌ده‌گی انار‌لر سونیب و خراب بوله‌دی.
قندهار نینگ ارغنداب تومنی‌ده ایکی جریب ییری گه انار درختی نی ایککن باغ‌دارلردن بیری غلام‌نبی نینگ ایتیشیچه، جاری ییل‌ده قوروق‌چیلیک و اوسیم‌لیک آفت‌لر، باغی گه زیان ییتیشتیریب و یخشی حاصل قولگه کیلتیره آلمه‌سلیگی گه سبب بولگن.
اونینگ ایتیشیچه: «کوتگنیم‌ده‌ی حاصل قولگه کیلتیره آلمه‌دیم. گل بیرگنی پیتده، قیته برچه‌سی توکیلدی. حاضر ایسه میوه بیریش گه ییتیشگنی بیرحالده، برچه‌سی یاریلدی. قوروق‌چیلیک هم جدی شکلده زیان ییتیشتیرگن.»
بیزلرنینگ توییترده هم تعقیب قیلینگ!
انار سوداگرلریدن قطاری نینگ ایتیشلریچه، مذکور میوه تُن اساسیده ایمس؛ بلکیم محصول نینگ وزن قیلینمه‌سدن درخت‌ده بولگنی جاغیده ساتیب آلینه‌دی که، کوپینچه پیت انار نینگ خراب بولگنی و یاریلگنی سبب، زیان کوره‌دیلر.
قندهار ده تازه میوه سوداگری ذبیح‌الله افغان نینگ ایتیشیچه: «بیر باغ نینگ اجاره آلگنیمیز پیتده، برچه میوه‌لر جمله‌دن یاریلگن میوه‌لر شامل دیر. اولر نی ایکی قسم گه اجره‌ته‌میز که، اولرنی هم قوشنی مملکت‌لر گه انتقال بیره‌میز و هم اولر نی بسته‌بندی قیلیب مملکت‌لر گه صادر قیله‌میز. اونی باغ‌دن توپلگنی‌میز پیتده، بیر تُن انار نینگ قنچه بولگنی بیللی بولمه‌یدی.»
قندهار ده ایکینچیلیک ایش بیلرمانی عبدالبصیر آغا نینگ ایتیشیچه، حشرات و آفت‌لر یانیده، شونینگدیک فیزیکی و بیولوژیکی قیین‌چیلیک‌لر انار نینگ یاریلیشی گه سبب بولیب و هوا اوزگریشی، درخت‌لر گه وقتی‌ده سوو ییتیشمه‌سلیگی، اولر نینگ قوریشی گه سبب بوله‌دی که، باغدارلر زیان کوره‌دیلر.
قندهار ایکینچیلیک، سووغاریش و چاروه‌چیلیک ریاستی نینگ ایکینچیلیک آمری شمس‌الرحمان موسا نینگ ایتیشیچه، جاری ییل‌ده، مذکور ولایت‌ده ۱۵-۱۸ مینگ هکتار ییر‌ده انار ایکیلگن دیر.
بیزلرنینگ فیسبوک صحیفه‌میزگه باش اورینگ!
اونینگ کوپه‌یتیریشیچه: «بو ییل قندهار ده، قیسی انار‌ده قیسی‌تور کسل‌لیگی بولگنی خصوصیده کوکران تدقیقاتی فارمی‌ده تیکشیریش‌لر صورت تاپگن که جمله‌دن، انار نینگ یاریلمه‌سلیگی اوچون قنچه سوو بیریلیشی و قیسی دارو‌دن قوللنیلیشی، کسل‌لیک توتمه‌ی و سالم قالیشی دیر. مذکور تیکشیریش‌لر نینگ دوامی بار و ییل نینگ یکونی‌ده اونینگ نتیجه‌سی نی شریک قیله‌میز.»
قندهار اناری خاص شهرت گه ایگه دیر که، هند و پاکستان گه صادر بولیشی گه علاوه، اوتگن ییل روسیه، کانادا و بیر قطار اروپایی مملکت‌لر گه هم صادر بولگن.
