قندهار نینگ ارغنداب، پنجوایی، ژیری و میوند تومن‌لری، ۵ آیدن بویان جدی آتیشمه‌لرگه شاهد دیر و ارغنداب تومنی ایسه، منطقه‌لریدن کوپینچه‌سی ماین دن تولیق بولگن بیر تومن دیر.
قندهار معارف ریاستی نینگ رسانه مسئولی نظرمحمد صمیمی نینگ سلام‌وطندارگه ایتیشیچه، اوروش باعث بو تومنده یوزلرچه عایله بدرغه بولگن و قیزلر شامل ۲۰ الی ۲۵ مینگ اوقووچی تعلیم و تربیه‌لنیش دن محروم قالگن.
بیزلرنینگ فیسبوک صحیفه‌میزگه هم باش اورینگ!
اونگه کوره، مکتب‌لردن قطاری اوروش جریانیده ضرر کورگن. اونینگ کوپه‌یتیریشیچه: «سونگی اوروشلر باعث ارغنداب تومنیده ۱۴ ژیری تومنیده ۱۴ میوند تومنیده ۱۴ و پنجوایی تومنیده ایسه ۷ مکتب ضرر کورگن و مذکور اوروشلر باعث ۲۰ الی ۲۵ مینگ اوقووچی اوقیش دن محروم قالگن.»
اونینگ ایتیشیچه، امنیت تأمین‌لنگن صورتده، اهالی اویلریگه قیته‌دی و تعلیم پروسه‌سیگه هیچ قنده‌ی قیینچیلیک یوق.
- قندهار ده نفوذلی بیر پولیس ۹ یاردمچی‌سینی اولدیرگن
- هییت نینگ بیرینچی کونی ده قندهار و قندوز ده ماین پارتلشی باعث ۹ تینچ‌اهالی جان بیرگن
- قندهار؛ هوایی کوچلرنینگ هجومی باعث، بیر عایله نینگ ۱۲ اعضاسی هلاک ایتیلگن
- قندهار ده پارتلش ماده جایلشتیریلگن موترنینگ پارتله‌تیلگنی سبب، ۳۴ کیشی یره‌لنگن
مذکور تومن‌لردن قندهار شهری یا باشقه تومن‌لرگه آواره بولیب کیلگن اوقووچی‌لردن قطاری، تعلیم گه دوام بیریش‌لری اوچون، حکومتدن منطقه‌لری نینگ امنیتی تأمین‌لنیشی سوره‌شگن.
اوقووچی‌لرگه کوره، اولرنینگ بیر ییلی ضایع کیتگن، چونکه قندهار نینگ شهر و تومن‌لریده نهایی سیناو باشلنگن.
بیزلرنینگ توییترده هم تعقیب قیلینگ!
مذکور اوقووچیلرنینگ آته‌لری و آنه‌لریدن قطاری نینگ ایتیشیچه، فرزندلری نینگ کیله‌جگی توغریسیده خواطرگه‌لر، چونکه اوروش باعث بیر تاماندن باغ‌لری و اویلری نابود بولگن و باشقه بیر تاماندن ایسه فرزندلری تعلیم دن محروم قالگن.
اولر تینچ بیر فضا ده اویلریگه قیتیش اوچون، اوروش یکونله‌نیشی و تینچلیک تأمین‌لنیشی و شونینگدیک فرزندلری نینگ تعلیمی گه ییتیشیش نی ایسته‌یدی.
