قندهار ولایتی بوییچه معارف ریاستی مسووللری نینگ ایتیشلریچه، اوشبو ولایتده دوامی بولگن آتیشمهلر تعلیم و تربیه اوستیگه سلبی تاثیر قویگن.
معارف ریاستی مسووللریگه کوره، سونگی اوروشلر سبب، اوشبو ولایت نینگ تورت تومنیده ۴۸ مکتب نینگ ایشیگی باغلنگن و ۱۸ مینگ اوقووچی تعلیم کوریشدن محروم قالگن.
قندهار ولایتی بوییچه معارف ریاستی سوزلاوچیسی نظر محمد صمیمی نینگ سلاموطندارگه ایتیشیچه، ۲۴ ممکت پنجوایی، ۱۳ مکتب ارغنداب، ۱۰ مکتب ژیری و ۱ مکتب میوند تومنیده باغلنگن.
جناب صمیمیگه کوره، مذکور مکتبلر نینگ ایشیگی باغلنگنی باعث، ۱۸ مینگ اوقووچی تعلیم کوریشدن محروم قالگن.
تعلیم دن محروم قالگن اوقووچیلرنینگ عایله اعضالری، جاری وضعیتدن خواطر بیلدیریب و اوروش تامانلریدن آتیشکیسین اعلان قیلیشینی سورهگنلر.
قندهار ولایتی بوییچه معارف ریاستی سوزلاوچیسی نینگ ایتیشیچه، اوشبو ولایتده تعلیم کورهدیگن اوقووچیلری کرونا ویروسی باعث، تعلیم کوریشدن محروم قالگن ایدیلر و حاضر ایسه اوروشلر سبب، اولر مکتب باره آلمهیدیلر.
اوقووچیلر، مکتب باریشلری اوچون زمنیه یرهتیلیشینی سورهیدیلر.
قندهار مدنی فعاللری و انسان حقلری کمیسیونی، اوقووچیلر تعلیم کوریشدن محروم بولگنی خصوصده خواطر بیلدیریب، اوروش تامانلریدن آتیشکیسین اعلان قیلیشلرینی سورهگنلر.
قندهار ولایتی نینگ تورت تومنیده اوروش دوام قیلگنی سبب، کمیده ۶ مینگ عایله اوشبو ولایت مرکزیگه آواره بولگن.