Asset 1SWN

قندهار ده عیا‌لر گه مخصوص بیر بازار نینگ یاپیلیشی؛ عیا‌للردن قطاری اوی‌لریده ایشلش گه یوز کیلتیرگنلر

kandahar (1)

افغانستان ده عیال‌لر و قیزلر گه یره‌تیلگن چیکلاو‌لردن کیین، قندهار ولایتی‌ده‌گی عیال‌لردن قطاری اوی‌لریده قول صناعتی ایشلب چیقاریش گه یوز کیلتیرگنلر.

قندهار یشاوچیسی زلیخا، اویی‌ده تیکووچیلیک ایش‌خانه ایجاد قیلیش بیلن، ایکی پیتده ۱۶ عیال گه ایش زمینه‌سی نی یره‌تگن. اونینگ ایتیشیچه، ایشلب چیقارگنلری محصول‌لر نینگ شهر‌ده‌گی دوکان‌لر گه ساته‌‌دیلر.

عایله‌ سرپرستی بولمیش زلیخا نینگ کوپه‌یتیریشیچه، ییل‌لردن بویان عایله خره‌جتی نی تیکووچیلیک بیلن تامین‌لگن.

بیزلرنینگ فیسبوک صحیفه‌میزگه باش اورینگ!

اونگه کوره، قندهار ده عیال‌لر مخصوص بازار نینگ یاپیلگنی‌دن کیین، اوی‌ده ایشلش گه یوز کیلتیرگن.

زلیخا نینگ سلام‌وطندار گه ایتیشیچه، اوی‌ده ایشلش نینگ قیین بولگنی بیلن، بیراق عیال‌لردن قطاری بیلن، کییم، ‌پرده و حجاب تیکیب و بازار گه ۱۵۰‌دن ۴ مینگ افغانی‌گچه ساته‌دیلر و شو رقم عایله‌ خره‌جت‌لری نی تامین‌له‌یدیلر.

شونده‌ی بیرحالده، آلتی آی آلدین اویی‌ده قول صناعتی نی ایشلب چیقریش گه باشلگن گل‌ناز نینگ سلام‌وطندار گه ایتیشیچه: «سکیز باله‌م بار. باله‌لریم گه آزیق‌-آوقات تیار‌لش اوچون قولیم‌دن کیلگنی‌گچه سعی و حرکت قیله‌من.»

قندهار  نینگ رنگ‌ریزان بازاری‌ده‌گی دوکان‌دارلردن بیری اسد‌الله، نینگ ایتیشیچه، ساته‌دیگن کییم‌لردن کوپینچه‌سی عیال‌لر آرقه‌لی تیارلنگن محصو‌ل‌لر دیر.

بیزلرنینگ توییترده هم تعقیب قیلینگ!

عین حالده، صناعت و سوداگرلیک وزیرلیگی سوزلاوچیسی عبدالسلام جواد آخوندزاده نینگ سلام‌وطندار گه ایتیشیچه، قندهار ده عیال‌لر گه مخصوص بازار نینگ یاپیلگنی موضوع‌سی تیکشیرله‌دی.

صناعت و سوداگرلیک وزیرلیگی سوزلاوچیسی نینگ کوپه‌یتیریشیچه: «صناعت و سوداگرلیک وزیرلیگی قول صناعتی تولید قیله‌دیگن و سوداگرلیک قیله‌دیگن عیال‌لردن حمایت قیله‌دی و اولر گه کوپراق آسایشته‌لیک ایجاد قیلیش اوچون سعی و حرکت قیله‌دی.»

ایتیش کیره‌ک که، نیچه مدت آلدین بلخ مرکزی مزارشریف شهری‌ده «خدیجه‌ الکبرا» اسمی‌‌ده عیال‌لر گه مخصوص بیر بازار ایجاد بولگنی‌ بیرحالده، قندهار‌ ده‌گی عیال‌لردن قطاری اوشبو ولایت‌ده عیال‌لر گه مخصوص بازار نینگ یاپیلگنی‌دن کیین اوی‌ده قول صناعتی ایشلب چیقاریش گه یوز کیلتیرگنلریدن خبر بیرگنلر.

مرتبط با این خبر:

شریک قیلینگ:
خبر اوقووچی
تیگیشلی خبرلر و تحلیل‌لر

سلام‌وطندار خبرلری و گزارش‌لری نینگ اجتماعی ترماق‌لردن تعقیب قیلینگ:

توییتر

تلگرام