قندهار یشاوچیلریدن قطاری نینگ ایتیش‌لریچه، اوشبو ولایت‌ده جنایی جرملر کوپه‌یگن دیر. اولر گه کوره، کونده‌لیک قندهار شهری‌ده ۵دن آرتیق قتل، اوغریلیک و باشقه جنایی جرملر یوزبیره‌دی و مذکور جرملر یشاوچیلر نی شدتلی بیرشکلده خواطرلنتیرگن.
قندهار یشاوچیلری نینگ کوپه‌یتیریش‌لریچه، قوراللی کیشی‌لر شهر نینگ تورلی منطقه‌لریده قورال آرقلی، اهالی نینگ پول و قیمت‌لی نرسه‌لری نی اوغیرله‌یدیلر. اولر، یشاوچیلر نینگ اقتصادی یمان وضعیتی و قشاق‌لیک کوپه‌یگنی نی، جنایی جرملر نینگ کوپه‌یشی گه سبب بولگن دیه‌دیلر.
بیزلرنینگ فیسبوک صحیفه‌میزگه باش اورینگ!
قندهار یشاوچیلریدن بیری حاجی محمد نینگ ایتیشیچه: «سونگی هفته‌لرده جنایی جرملر و اوغریلیک نظیری کوریلمه‌گن درجه‌ده کوپه‌یگن دیر. قوراللی کیشی‌لر اهالی نینگ اوی‌لری و دکان‌لری گه باریب و قورالل زوری بیلن قیمت‌لی نرسه‌لری نی آله‌دیلر. اسلامی امارت مسئوللریدن بو زمینه‌ده جدی توجه قیلیش‌لری نی ایسته‌یمیز.»
شونده‌ی بیرحالده، قندهارده اسلامی امارت مسئوللری جنایی جرم‌لر‌دن توسیق بولیش اوچون سعی و حرکت‌لری نینگ کوپه‌یگنیدن خبر بیره‌دیلر.
بیزلرنینگ توییترده هم تعقیب قیلینگ!
قندهار پولیس قومندانی رحیم‌الله محمود نینگ ایتیشیچه، یالغیز اوتگن هفته‌ده اوشبو ولایت‌دن ۲۷ کیشی اوغریلیک عیبی بیلن قولگه آلینگن.
شونینگدیک سونگی آی‌لرده ولایت‌لردن قطاری‌ده سرلی قتل‌لر و ناتینچ‌لیک کوپه‌یگنی بیرحالده، قندهارده جنایی واقعه‌لر نینگ کوپه‌یشی خصوصیده شکایتلر بولگن.
