تخار مرکزی تالقان شهری ده میوه و سبزه‌وات ساتووچیلریدن عزیزالله نینگ ایتیشیچه، سونگی کون‌لرده کوچلی قار یاغیشی و هوا مثل‌سیز درجه ده ساووق بولیشی بیلن، سبزه‌وات انباری موزلب و برچه‌سی یوق بولگن.
اونینگ کوپه‌یتیریشیچه، اوتگن نیچه کون ده تالقان شهری ده اونلب تُن تازه میوه و سبزه‌وات هوا ساووق‌لیگی باعث یوق بولگن.
اونگه کوره: «ساووق اورگن سبزه‌وات‌لرنی هیچ کیم آلمه‌یدی، برچه میوه و سبزه‌وات یوق بولگن، پیاز، کچالو، زردک، کاهو برچه‌سینی ساووق اورگن.»
بیزلرنینگ فیسبوک صحیفه‌میزگه باش اورینگ!
تخار ده میوه و سبزه‌وات سوداگرلری، میوه و سبزه‌وات‌لرینی سقلش اوچون ستندرد مکان یوق‌لیگینی، سونگی کون‌لرده میوه و سبزه‌وات‌لری یوق بولیش دلیلی عنوان قیلگنلر.
تخار ده سبزه‌وات ساتووچیلردن حشمت‌الله نینگ سلام‌وطندار گه ایتیشیچه: «سبزه‌وات‌لر جلال‌آباد، پاکستان، ایران و هندوستان دن کابل گه و کیین ایسه شمالی ولایت‌لر گه انتقال بیریله‌دی، یاز موسومی ده ایسیق دن و قیش ده ساووق دن عذاب ده میز. سونگی کون‌لرده‌گی ساووق باعث برچه سبزه‌وات‌لریمیز یوق بولگن.»
تخار ده سبزه‌وات ساتووچیلردن باشقه بیری صبور نینگ سلام‌وطندار گه ایتیشیچه: «سبزوات‌لردن کوپ زیان کوردیک. مارکیت دن سودا اوچون آلیب کیله‌میز، هر بیریمیز ۱۵۰ دن ۲۰۰ مینگ افغانی زیان کورگن‌میز.»
تخار مسئوللری، اوشبو ییل ساووق‌لیگینی مثل‌سیز دیب ایتیشلریچه، اوتگن ییل‌لرده قیش کوپ ساووق بولمس ایدی، میوه و سبزه‌وات سوداگرلری، بوتوغریده اونچه‌لیک دقت قیلمه‌گنلر.
بیزلرنینگ توییترده هم تعقیب قیلینگ!
تخار ایکینچیلیک و چاروه‌چیلیک باشلیغی عبدالرحیم احدی نینگ سلام‌وطندار گه ایتیشیچه: «میوه و سبزه‌وات سوداگرلری، ساووقخانه یوق‌لیگی باعث میوه و سبزه‌وات‌لری یوق بولیشینی ایته‌دیلر بو راست دیر، چونکه ستندرد ساووقخانه یوق؛ بیراق ایکینچیلیک ریاستی اولر نینگ قیینچیلیگی حلی اوچون چاره کورماقده.»
تخار ده سونگی کون‌لرده کوچلی قار یاغیب و هوا منفی ۲۶ درجه سانتی‌گراد گه ییتگن‌لیگی معلوم قیلینگن.
