مملکت مقیاسیده مثلی کوریلمهگن درجه ده هوا ساووق بولیشی بیلن، کابل و باشقه قطار ولایتلر نینگ یشاوچیلری ایچیملیک سوو قیینچیلیگی بیلن روپهره بولگنلر.
کابل شهری یشاوچیسی وارث شینواری گه کوره، نیچه کوندن بویان ایچیملیک سوو قیینچیلیگی بیلن دوچ بولگنلر.
اونگه کوره: «سوو نلی موزلهگن و کابل هواسی منفی ۱۳ درجه توشگن، اقتصادی قیینچیلیککه قرهمسدن ایچیملیک سوونی ساتیب آلیش گه مجبور میز.»
بیزلرنینگ فیسبوک صحیفهمیزگه باش اورینگ!
کابل یشاوچیلریدن باشقه بیری اجمل شیرزاد نینگ ایتیشیچه: «هوا کوپ ساووق بولگن سوو نللری و ذخیرهلر موزلهگن، ایچیملیک سوویمیز یوق و ساتیب آلیش گه مجبور میز.»
شو بیلن بیرگه کابل شهری سوو ییتکیزیش شرکت مسئوللری، کابل ده ایچیملیک سوو قیینچیلیگی تیزلیک بیلن حل ایتیلیشیدن ایشانچ بیلدیرهدیلر.
کابل شهری سوو ییتکیزیش شرکت اورین باسری محمدنسیم صمیم نینگ ایتیشیچه: «ساووق طبیعی دیر و شرکتیمیز نینگ نللری ستندرد دیر و هوا مثلسیز درجه ده پس توشگن و بیز انشاءالله سوو قیینچیلیگی حلی اوچون چاره کورهمیز.»
باشقه تاماندن، قطار ولایتلر نینگ یشاوچیلری سوولر موزلشی باعث، ایچیملیک سوو قیینچیلیگی بیلن روپهره بولگنلر.
بلخ یشاوچیسی کریم نینگ سلاموطندار گه ایتیشیچه: «بالهلر اویلری گه سوو آلیب باریش اوچون بو ییرده کیلگنلر، آدملر و حتا حیوانلر اوچون سوو یوق. برچه سوو منبعلری موزلهگن، بیل و کلنگ بیلن موز نی سیندیریب سوو آلیش امکانی هم یوق.»
بیزلرنینگ توییترده هم تعقیب قیلینگ!
شونینگدیک فاریاب یشاوچیسی عبدالرسول گه کوره: «فاریاب یشاوچیلری ایچیملیک سوو تنقیصلیگی بیلن روپهره بولگنلر.»
اوتگن نیچه کون ده، کابل شامل قطار ولایتلرده هوا مثلسیز درجه ده پس توشگن. بیرلشگن ملتلر تشکیلاتی انسان پرورلیک یاردملرنی هماهنگ قیلووچی دفتری نینگ معلوماتی اساسیده، اوشبو هفته یکونیگچه افغانستان نینگ قطار منطقهلری ده هوا منفی ۳۵ درجه سانتی گراد پس توشیشی ممکن.