بلخ ده‌گی سوداگرلر، صناعتکارلر و کارخانه ایگه‌لریدن قطاری بوگون (پنجشنبه، ۲۸دلو) مطبوعاتی بیر ییغینده، آمریکا جمهور باشلیغی جوبایدن نینگ افغانستان مرکزی بانکی سرمایه‌لریدن بیر قسمینی ۱۱سپتامبر قربانی‌لری نینگ عایله‌لری گه تاوان توللش قراری‌دن تنقید قیلیب و او نینگ بو قراری نی ناقانونی و بشری بیر عمل دیگن‌لر.
بلخ صناعت و کان‌لر اتاقی متصدی‌لری نینگ ایتیشلریچه، مذکور ولایت سوداگر و صناعت‌کارلری، اقتصادی انقراض همده مرکزی بانک نینگ سرمایه‌لری توسیلیشی طفیلی آغیر نقصان کوریب و اولر نینگ ایشی اوستیگه سلبی تاثیر قیلگن.
بیزلرنینگ فیسبوک صحیفه‌میزگه باش اورینگ!
بلخ صناعت و کان‌لر اتاقی اورین باسری بصیر سهیل گه کوره، بوندن آلدین اوشبو ولایت بویلب ۵۲۰ دن آرتیق کیچیک و کتته کارخانهلر فعالیت قیلر ایدی؛ لیکن حاضر مذکور کارخانه‌لردن ۶۰فایزی غیر فعال بولگن.
عین‌حالده، بلخ پیشه‌ورلر اتفاقی مسئولی میرویس احمدی نینگ ایتیشیچه، اوشبو ولایتده‌گی دکان‌لر نینگ احوالی اوزگرگن و قریب ۲۲مینگ دکان، اوتکی‌لر کبی فعالیت لری گه دوام بیره آلمه‌یدی.
بلخ سوداگرلیک و سرمایه یاتقیزیش اتاق سرپرستی اسدالله اسدی نینگ تاکیدلشیچه، افغانستان پول‌لری توسیلیشی باعث مملکت فقرالری نینگ اقتصادی اوستیگه سلبی تاثیر قیلگن و حاضر اوشبو پول‌لر مصادره ایتیلیشی بیلن انسانی فاجعه یوز بیریشی ممکن.
بیزلرنینگ توییترده هم تعقیب قیلینگ!
بلخ صناعت و سوداگرلری، خلق‌ارا همجمعیت دن آمریکا جمهور باشلیغی نینگ آلگن قراری برابری‌ده جیم تورمه‌ی و افغانستان امانتی‌نی قیته‌دن اوشبو مملکت یشاوچیلری گه قیتیریشنی طلب قیله‌دیلر.
