قندهار یشاوچیلریدن قطاری نینگ ایتیش‌لریچه، اسلامی امارت نینگ قدرت گه ایریشگنیدن کیین، مذکور ولایت‌ده قشاقلیک کوپه‌یگن دیر و عایله‌لردن کوپ قطاری آچلیک و قشاقلیک بیلن دوچ کیلگنلر. اولر نینگ کوپه‌یتیریش‌لریچه، نیازمند عایله‌لر گه یاردم ترقه‌تیش پروسه‌سی نینگ کوپه‌یگنی بیلن، بیراق اوشبو یاردم‌لر اهالی قیین‌چیلیگی نی حل قیله‌آلمه‌یدی.
قندهار یشاوچیلریدن بیری مطیع‌الله نینگ ایتیشیچه: «اسلامی امارت نینگ قدرت گه ایریشگنیدن بویان، ایش‌سیزلیک میزانی کوپه‌یماقده دیر. اهالی هر کون یاردم نی کوتیب تورگن. ییگیتلر گه ایش زمینه‌سی ایجاد بولگن صورت‌ده، هیچ بیر زمان خیرات گه کوتیب تورمه‌یدیلر، اهالی گه ایش‌زمینه نینگ یره‌تیشیلی کیره‌ک.»
بیزلرنینگ فیسبوک صحیفه‌میزگه باش اورینگ!
شونینگدیک قندهار یشاوچیلریدن باشقه بیری فضل‌احمد نینگ ایتیشیچه: «حاضر ییگیت‌لریمیز‌دن برچه‌سی یاردم آلیش گه عادت قیلگن. ایش‌خانه ایجاد بولیب و ایش زمینه‌سی فراهم بولگن صورت‌ده، ییگیت‌لریمیز بوندن بویان یاردم آلیش اوچون صف‌لرده کوتیب توریش گه زورلنمه‌یدیلر.»
مذکور قندهار یشاوچیسی نینگ کوپه‌یتیریشیچه، فقر میزانی کوپه‌یگنی جماعه نینگ اجتماعی و خوفسیزلیک وضعیتی اوستیگه سلبی تاثیر قویگن. شونده‌ی بیرحالده، قندهار‌ده یاردم بیروچی نهادلر و محلی مسئوللری نینگ ایتیش‌لریچه، نیاز‌مند‌لر گه ایش زمینه‌سی نینگ ایجاد قیلیب و ایش اورنیده اولر گه پول و ییگولیک ماده بیریش اوچون سعی و حرکت قیله‌دیلر.
«Serve Afghanistan» نهاد مسئولی عبداللطیف حمیدی نینگ ایتیشیچه: «بیزلر نینگ بو ییرده فعالیتی‌میزدن مقصد ییگیتلر گه ایش زمینه‌سی نینگ یره‌تیش دیر.»
بیزلرنینگ توییترده هم تعقیب قیلینگ!
شونینگدیک قندهار اقتصاد رئیسی عبدالسلام بریالی نینگ سلام‌وطندار گه ایتیشیچه، عیال‌لر و ایرککلر گه ایش زمینه‌سی نینگ فراهم قیلیش اوچون سعی و حرکت قیله‌دیلر که بو یولدن اولر عایله‌لری گه حلال نفقه فراهم قیلسینلر.
اونینگ کوپه‌یتیریشیچه: «شونینگدیک بیزلر نینگ فکریمیز گه هم اهالی یاردم آلیش گه عادت قیلگنلر، بو درست بیر ایش ایمس. بیزلر موسسه‌لر مسئوللری بیلن ییگیتلر گه ایش زمینه ییره‌تیلیشی اوچون صحبت قیلگن‌میز.» مملکت‌ده سونگی سیاسی تحولات‌دن کیین، قشاقلیک میزانی کوپه‌یگن دیر و انه‌شوو سبب ییگیت‌لردن مینگ‌لرچه‌سی باشقه مملکت‌لرگه مهاجر بولیش اوچون زورلنگنلر.
