افغانستان ده ایش امکانیتلری کملیگی و آزیق-آوقت خوفسیزلیگی کوپهیگنی توغریسیده دنیا بانکینینگ آگاهلنتیریشی بیلن بیرگه، یاشلردن قطارینینگ ایتیشلریچه، ایش یوقلیگی و اقتصادی معمالر، حیاتنینگ دستلبکی نیازلرینی تامینلشده اولرنی قیینچیلیکلر بیلن روپهره قیلگن.
مذکور یاشلرنینگ کوپهیتیریشلریچه، عالی اوقووگه ایگه بولیش بیلن آیلر و حتا ییللردن بیری مناسب بیر ایشگه ایگه بوله آلمهگنلر.
غزنی بیلیم یورتیده اقتصاد فاکولتهسینی بیتیرگن اوشبو ولایت یشاوچیسی بولمیش سید نسیمنینگ ایتیشیچه، ایش امکانیتلری یوقلیگی اقتصادی قیینچیلیکلرینی کوپهیتیرگن. «اقتصاد بولیمینی بیتیرگنیمدن تورت ییل اوتیب و حاضرگچه ایش تاپه آلمهدیم. سرگردان ایش قیدیریب یوریگنمین. هر اداره گه بارسم ایش یوق دیهدیلر. ایشسیزلیک جودهیم قیین دیر. اقتصادی قیینچیلیکلر بیلن روپهرهمین.»
شونینگدیک کاپیسا بیلیم یورتی دری تیل و ادبیات بولیمینی بیتیرگن بو ولایت یشاوچیسی عبدالقدوس هم ایش امکانیتلری یوقلیگیدن شکایت قیلیب و ایتیشیچه، ییتی بالهسی بولیب و ایشسیزلیک سبب، عایلهسینینگ دستلبکی نیازلرینی تامین قیله آلمهیدی. «دری تیل و ادبیاتینی بیتیرگنمین و باشده بیر نهادده ایشلهر ایدیم و کیین ایشسیز بولدیم. هر بیر نهادگه سیوی یوبارسم شارت لست بولمهیمن و انه شوو ایشسیزلیک سبب، کوپینچه اقتصادی قیینچیلیکلر بیلن روپهره بولگن.»
اقتصادی ایش بیلرمانلر، ایکینچیلیک بولیمی رواجلنیشی، ایچکی تولیدلرنینگ قوللب-قوتلنیشی، سرمایه یاتقیزیلیش جذب بولیشی و اقتصادی اصلاحات عملگه آشیریلیشینی، مملکتده ایشسیزلیک کمهیشی و آزیق-آوقت خوفسیزلیگی کوچلنیشی بوییچه اینگ مهم ییچیم یوللردن دیگنلر.
اولرگه کوره، تولیدی بولیملرده سرمایه یاتقیزیلمسدن و برقرار ایش امکانیتلری یرهتیلمسدن، قشاقلیک، ایشسیزلیک و آزیق-آوقت خوفسیزلیگی کوپهیشی توغریسیده خواطرلر قالیشی ممکن.
اقتصادی ایش بیلرمانلردن امیدالله قاسمزینینگ ایتیشیچه: «افغانستان ده تحریملر همده بانک چیکلاولری آلینگنی صورتده، افغانستان ده سرمایه یاتقیزیش اوچون کوپینچه امکانیت یرهتیلیشی ممکن. سرمایه یاتقیزیلیش، انسانسیورلیک یاردملرگه افغانستاننینگ تیگیشلی بولیشی کمهیشی و برقرار اقتصاد رواجلنیشی یرهتیلیشیده اساسی یوللردن دیر.»
شوندهی بیرحالده، اسلام امیرلیگی اقتصاد وزیرلیگی مسئوللرینینگ ایتیشلریچه، اقلیم اوزگریشلری، کیتمه-کیت قوروقچیلیکلر و اقتصادی چیکلاولر اهالینینگ تیریکچیلیک و اقتصادی وضعیتنی تاثیر آستیگه قویگن.
اقتصاد وزیرلیگی سوزلاوچیسی عبدالرحمان حبیبنینگ ایتیشیچه: «بو قیینچیلیک حلی و مدیریت بولیشی اوچون تولیدی ظرفیتلر آشیریلیشی، اقتصادی خودکفالیککه ییتیشیش، فایدهلی سرمایه یاتقیزیلیشنینگ جذب بولیشی، ایش امکانیتلری یرهتیلیشی و برقرار ترقیات رواجلنیشی، ایکینچیلیک و چاروهچیلیک بولیملریدن حمایت بولیشی ممکن. شونینگدیک ایچکی تولیدلر مستحکملنیشی، وارداتی توارلرگه تیگیشلی بولیش کمهیشی و سوو و باشقه طبیعی منبعلرنینگ مدیریت بولیشیگه اولویت بیریلیشی اوچون کیرهکلی اقداملرنینگ قولگه آلینیشی ممکن.»
دنیا بانکی ینگی گزارشیده آگاهلنتیریشیچه، ۲۰۵۰-ییلگچه آزیق-آوقت محصوللری توغریسیده دنیا ایستهکلری کوپهیشی بیلن، افغانستان کبی مملکتلرگه باسیم کوپهیشی ممکن. اوشبو نهادنینگ ایشانچیگه کوره، ایچکی تولیدلرده چیکلاولر، ایکینچیلیک آستقورمهلری کملیگی و وارداتگه تیگیشلی بولیش، افغانستان ده ایش و آزیق-آوقت خوفسیزلیگینینگ قیینچیلیک بیلن روپهره قیلگن اینگ مهم عامللردن دیر.
