قشاقلیک و یشاوچی‌لر نینگ ییترلی آزیق-آوقات گه قول تاپه آلمه‌یشی خصوصیده شکایت‌لر نینگ کوپه‌یشی بیلن، بیرلشگن ملتلر تشکیلاتی نینگ انسان‌دوستلیک یاردم‌لر نی هماهنگ قیلووچی دفتری (اوچا) نینگ ایتیشیچه، حاضر ایسه افغانستان یشاوچیلریدن آلتی میلیونی آزیق-آوقات خوفسیزلیگی بیلن روپه‌ره دیر.
کابل شهری جاده میوند ده ایشلاوچیلردن بیری وحید‌الله نینگ ایتیشیچه، قشاقلیک سبب عایله‌سی نینگ آزیق-آوقاتی نی مکمل شکلده فراهم قیله آلمه‌یدی.
بیزلرنینگ فیسبوک صحیفه‌میزگه باش اورینگ!
اونینگ سلام‌وطندار گه ایتیشیچه: «کونده ۱۰ یا-ده ۵ نان آلیب باره‌من بیراق اوشبو نان برچه گه ییتیشمه‌یدی. ایرتنگ اوغلیم کیچه نان آلیب کیل دیدی، ایش بولگن صورت‌ده نان آلیشیم ممکن عکسینچه حالده، خدا گه توکل دیدم. روزگاریمیز یخشی ایمس. ایرتنگ آلتی بجه کیله‌مین و انه شوو ییرده بیر نیچه دانه نان پولی نی قولگه کیلتیریش اوچون شام آلتی بجه‌گچه ایشله‌یمین.»
شونینگدیک نورستان یشاوچیلریدن احمد، نادار‌لیک‌دن شکایت قیلیب و ایتیشیچه، نیچه مد‌ت‌دن بویان عایله‌سی گه اوچ پیت آزیق-آوقات‌دن یالغیز بیر پیت نی تامین قیله آله‌دی.
احمد نینگ کوپه‌یتیریشیچه: «ایش یوق. ایکینچی‌لیک یوق؛ بو ییرده اهالی وضعیتی جوده‌یم یامان دیر. ایرتنگ گه ییمک قول گه کیلتیرگنی‌میز پیتده، کیچه اوچون هیچ بیر نرسه‌میز یوق. تشکیلات‌لر نینگ یاردم‌لری هم بیزلر گه ییتیشمه‌یدی.»
شونده‌ی بیرحالده، دایکندی مرکزی نیلی شهری یشاوچیسی جمعه خان نینگ ایتیشیچه، عایله‌سی نینگ نیازی بولگن آزیق-آوقات نی تیار قیله آلمه‌یشی اوچون، یاشی کیچیک بولگن باله‌لری گه قوللنیلمه‌گن ییمک‌لر نی بیریش گه مجبور دیر.
جمعه خان نینگ کوپه‌یتیریشیچه: «نیلی ده اهالی وضعیتی یامان دیر و اهالی عایله خره‌جتی نی تامین‌لش گه کوچی ییتیشمه‌یدی. مین اوزیم ناگران و حاضر اوی‌میزده یانغین و آزیق-آوقات ماده‌میز یوق. عایله‌ده آلتی کیشی، لیکن درآمدی‌میز یوق. حاضر ساغ کیشی‌لر اوچون ایش یوق مین خو ناگران. یاردم بیرووچی نهاد‌لر تامانیدن کمک قیلمه‌گنی صورت‌ده، تلف بولیشی‌میز ممکن.»
بیزلرنینگ توییترده هم تعقیب قیلینگ!
عین حالده، اسلام امیر‌لیگی اقتصادی وزیرلیگی سوزلاوچیسی عبدالرحمان حبیب نینگ ایتیشیچه، نیازمند‌لر قیین‌چیلیگی نینگ حلی اوچون اوشبو وزیرلیک، بیر قطار برنامه‌لر نی قولگه آلگن و یاردم بیرووچی نهاد‌لر هماهنگ‌لیگیده اونی عمل گه آشیریشی ممکن.
شونینگدیک اوچا، نیچه مدت آلدین هم، افغانستان ده ۲۸ میلیون نیازمند انسان‌پرورلیک یاردم‌لر گه نیازی بار و شونینگدیک بیرلشگن ملتلر تشکیلاتی افغانستان ده‌گی نیازمند‌لر قیین‌چیلیگی نینگ حلی اوچون ۴ میلیارد ۶۰۰ میلیون دالر یاردم ایسته‌گنی نی بیان قیلگن ایدی.
