ایران رسانه‌لری نینگ گزارش بیریشلریچه، اوشبو مملکت نینگ تشقی ایشلر وزیری امیرعبداللهیان، بیرلشگن ملت‌لر تشکیلاتی نینگ باش کاتبی آنتونیو گوترش بیلن افغانستان توغریسیده تیلفونی صحبت قیلگن.
ایران تشقی ایشلر وزیری اوشبو سوزله‌شووده افغانستانده‌گی انسانی و خوف‌سیزلیک وضعیت‌نی «جوده خواطرلی» عنوان قیلیب و افغانستانده برچه شمول حکومت تشکیل ایتیلیشی اوستیگه تأکید قیلگن.
بیزلرنینگ فیسبوک صحیفه‌میزگه باش اورینگ!
شونینگدیک جناب عبداللهیان، ایران و قوشنی مملکت‌لرده حیات کیچیره‌یاتگن افغان مهاجرلری خصوصیده اشاره قیلیب، بیرلشگن ملت‌لر تشکیلاتیدن افغان مهاجرلریگه توجه قیلینشینی سوره‌گن.
گزارش‌دن نقل قیلینیشچه، ایران تشقی ایشلر وزیری افغانستانده‌گی انسان بحران‌گه نطقه قوییلیشی اوچون افغانستان نینگ باغلنگن دارای‌لری آزاد ایتیلیش اوستیگه تأکید قیلگن.
عین‌حالده، بیرلشگن ملت‌لر تشکلاتی نینگ باش کاتبی آنتونیو گوترش، افغانستانده برچه شمول حکومت تشکیل ایتیلیشینی اونملی عنوان قیلیب، ایران نینگ افغان مهاجرلریدن میزبانلیک قیلگنی اوشبو ممکت‌ده بیرگن انسان‌سیورلیک یاردم‌لریدن منتدارچیلیک بیلدیرگن.
بیزلرنینگ توییترده هم تعقیب قیلینگ!
شونینگ او ایران تشقی ایشلر وزیری، بیرلشگن ملت‌لر تشکلاتی افغانستان مهاجرلریگه یاردم بیریشی خصوصیده قیلگن تکلیفینی خوش قرشیلب، افغانستان مهاجرلریگه یاردم بیریلیشی اوچون ایران مملکتی‌دن آرقه‌داشلیک قیلینیشی خصوصیده امیداوارلیک بیلدیرگن.
ایتیش کیرهک دیرکه بوندن آلدین هم ایران رسمی‌لری افغانستانده‌گی بشری بحران وضعیتی‌دن خواطر بیلدیریب، اوشبو مملکت‌ده انسان‌سیورلیک یاردم ییتکیزیلیشی اوستیگه تأکید قیلگن ایدی.
