پاکستان تشقی ایشلر وزیری شاهمحمود قریشی، افغانستاندهگی زوروانلیکلر رقمی یوقاری بولگنینی قارهلب و زوروانلیکلر تیزلیک بیلن توختهتیلیشی و آتیشکیسین اعلان قیلینیشینی ایستهگن.
پاکستان تشقی ایشلر وزیری شاهمحمود قریشی اوشبو صحبتلرنی نایجیریا باشکنتیده اسلامی همکارلیکلر تشکیلاتی ییغینیی نینگ چیککهسیده افغانستان تشقی ایشلر وزیری محمدحنیف اتمر بیلن اوچرهشوویده بیان قیلگن.
بوگون “جمعه” افغانستان تشقی ایشلر وزیرلیگی نینگ بیر اعلامیه آرقهلی ایتیشیچه، اوشبو اوچرهشووده ایکی تامان تینچلیک جریانی، افغانستانلیک مهاجرلرنینگ عزتلی شکلده قیتیب کیلیشی و ایکی مملکت آرهسیده سوداگرلیک توغریسیده بولگن قیینچلیکلر خصوصیده فکر بیلدیرگنلر.
اوشبو اوچرهشووده افغانستان تشقی ایشلر وزیری، تینچلیک جریانی خصوصیده منطقه مملکتلری اینقسه پاکستان اورنینی اونملی عنوان قیلیب و همکارلیکلر کوچلی بولیشی اوستیگه تاکید قیلگن.
اعلامیهگه کوره، ایکی تامان پاکستان باش وزیری عمران خان نینگ کابلگه قیلگن سفریده صورت تاپگن کیلیشوولر اساسیگه سعی و حرکتلرینی تیزلشتیریش خصوصیده قرار قیلگن.
پاکستان باش وزیری عمران خان عقرب آی نینگ ۲۹- تاریخیده کابلگه کیلیب افغانستان جمهور رئیسی محمد اشرف غنی بیلن اوچرهشگن ایدی.