افغانستان ده بیرلشگن ملت‌لر تشکیلاتی نینگ خلق‌ارا آزیق-آوقات دستوری ینگی‌لیکده، افغانستان ده اقتصادی بحران و قشاقلیک سبب، اوقووچی باله‌لردن کوپینچه‌سی نینگ آچ قارین بیلن مکتب گه کیتیشلری نی بیان قیلگن.
۱۶ یاشر مجتبا کابل شهری نینگ دولتی مکتب‌لریدن بیریده آلتینچی صنف اوقووچیسی دیر. ایکی ایناغه‌سی بیلن مکتب گه باره‌دیگن مجتبا نینگ ایتیشیچه، آته‌سی ایش‌سیز دیر و اقتصادی وضعیت‌لری یخشی ایمس.
بیزلرنینگ توییترده هم تعقیب قیلینگ!
مذکور اوقووچی نینگ کوپه‌یتیریشیچه: «قشاق‌میز، پولی‌میز یوق، قوروق نانی‌میز یوق. انه شوو سبب، کوپینچه پیت آچ مکتب کیته‌میز. آچ مکتب گه باریش سبب، باش آغریق و بی‌حال بوله‌میز؛ چونکه آچقاله‌میز و درس نی هم اورگنه آلمه‌یمیز. اوتگن‌لرده بو رقم ایمس ایدی.»
شونینگدیک کابل شهری‌ده اوقووچیلردن خدیجه و قیوم، عینی وضعیت‌دن صحبت قیله‌دیلر. خدیجه نینگ ایتیشیچه: «آچ مکتب گه باره‌من و انسان نینگ آچ بولگنی پیتده، اویقوسی کیله‌دی یا-ده هر نرسه ییه‌سی کیله‌دی. بو قیین بیر وضعیت دیر که آچ درس نی اورگنسه‌ک. اوتگن‌لرده آنه‌م پول بیره‌ر ایدی که تشقری‌دن ییگولیک نرسه‌لر آل دیب، حاضر ایسه پولی‌میز یوق دییه‌دیلر.»
شونینگدیک قیوم نینگ ایتیشیچه: «آچ مکتب کیتیش قیین دیر؛ بیراق نیمه قیله‌یلیک؟ آته‌م‌ده پولی یوق که بیرسه که مکتب گه باریش پیتده، قوروق نان یا-ده ییگولیک نرسه آلسه‌ک؛ چون پول یوق، عایله‌میز نینگ اقتصادی وضعیتی یخشی ایمس. مین اوزیم بیر ایش تاپیب آته‌م گه یاردم بیریش گه توشینه‌من.»
جمهوریت توزومی نینگ قوللشی‌دن کیین، یشاوچیلردن قطاری، دستلبکی نیازلری اینیقسه آزیق-آوقات نی تامین‌لش گه امکانیت‌لری یوق و افغانستان ده انسان‌دوستلیک یاردم‌لر گه نیازمند‌لر سانی، یاردم بیرووچی تشکیلات‌لر نینگ گزارشی اساسیده، کوپه‌یگن دیر.
کابل شهری «قوای مرکز» منطقه یشاوچیلریدن بیری قند‌آغا نینگ ایتیشیچه، درآمد قولگه کیلتیرمه‌گنی کون‌لر، باله‌لری آچ قارین بیلن مکتب گه کیته‌دی.
بیزلرنینگ فیسبوک صحیفه‌میزگه باش اورینگ!
اونینگ کوپه‌یتیریشیچه: «کونده ایش گه کیته‌دیگنیم پیتده، باله‌لریم هم مکتب کیته‌دیلر. اوی‌ده قوروق نان بولگنی‌ده بیک‌لری گه قویه‌من و بولمه‌گنی پیتده، آچ کیته‌دیلر. کوپینچه وقت آچ کیته‌دیلر؛ چونکه کونده ۱۵۰ افغانی ایشله‌یمن، بو پول بیلن اوی کرایه‌سی، برق پولی یا-ده باشقه صرف-خره‌جت نی پوره قیله آلمه‌یمن.»
بولر گه علاوه، افغانستان ده بیرلشگن ملت‌لر تشکیلاتی آزیق-آوقات دستوری نینگ کوپه‌یتیریشیچه، آچ قارین بیلن درس اورگنیش قیین دیر و اوشبو نهاد هر کون مکتب‌لرده باشلنغیچ ۷۰۰ مینگ قیز و اوغیل ییگیت‌لر گه بیسکویت ترقه‌ته‌دی.
