خلق‌ارا آزیق-آوقات دستوری (WFP)، جاری میلادی ییل اکتبر آیی‌ده افغانستان ده نیازمند عایله‌لر گه یاردم بیریش جریانی نینگ توخته‌تیلیشی‌دن خبر بیرگن.
مذکور خبر نینگ ترقه‌لگنی‌دن کیین، یاردم گه نیازمند بولگن عایله‌لردن قطاری نینگ ایتیشلریچه، حیاتلری اوشبو یاردم‌لر گه باغلیق دیر و اوشبو یاردم‌لر نینگ کیسیلگنی صورت‌ده، کوپینچه قیین‌چیلیک بیلن روپه‌ره بولیشلری ممکن.
شونده‌ی بیرحالده، بامیان یشاوچیسی قادر، یامان اقتصادی وضعیتی‌دن شکایت قیلیب و ایتیشیچه، یاردم بیرووچی نهاد‌لر نینگ یاردمی، عایله‌سی نینگ نیازلری تامین بوله‌دیگن یالغیز بیر یول دیر.
بیزلرنینگ فیسبوک صحیفه‌میزگه باش اورینگ!
اونینگ کوپه‌یتیریشیچه: «اوی‌ده بیش کیشی‌میز. اوزیم ناگران و ایشلماق گه کوچیک ییتیشمه‌یدی. خلق‌ارا آزیق-آوقات دستوری آرقه‌لی قولگه کیله‌دیگن یاردم‌لر نیازلری نی حل قیله‌دی. کیچه و کوندوزی‌میز شو رقم اوته‌دی. بو رقم بولمه‌گنی صورت‌ده مین عایله خره‌جتی نی تامین قیله آلمه‌یمن. یاردم‌لر کیسیلگنی صورت‌ده اولیشی‌میز ممکن.»
عین حالده، ییتی کیشی‌لیک عایله سرپرستی بولمیش لوگر مرکزی پل‌علم شهری نینگ «بابوس» منطقه یشاوچیسی رازمحمد، نینگ ایتیشیچه، نیچه آی‌دن بیری عایله نیازلری نی خلق‌ارا آزیق-آوقات دستوری نینگ یاردملری آرقه‌لی تامین‌له‌یدی و اوشبو یاردم‌لر کیسیلگنی صورت‌ده، قیین‌چیلیک بیلن روپه‌ره بولیشی ممکن.
اونگه کوره: «نیچه آی‌دن بویان آزیق-آوقاتی‌میز خلق‌ارا آزیق-آوقات دستوری آرقه‌لی تامین‌لنه‌دی. اوشبو یاردم‌لر کیسیلگنی صورت‌ده، کوپینچه قیین‌چیلیک بیلن روپه‌ره بوله‌میز. چونکه هیچ ایش یوق و ییگولیک نرسه‌لر هم قیمت.»
شونینگدیک دایکندی ولایتی میرامور تومنی یشاوچیسی قربان نینگ ایتیشیچه، نیچه آی‌دن بیری قشاق‌لیک و ایش‌سیز‌لیک سبب، عایله نیازلری نی تامین قیلیش گه امکانتیی یوق و اوشبو یاردم‌لر دوام تاپمه‌گنی صورت‌ده، او و آلتی کیشی‌لیک عایله‌سی آچلیک بیلن روپه‌ره بولیشلری ممکن.
قربان نینگ کوپه‌یتیریشیچه: «اقتصادی‌میز کوپ یامان دیر و اوشبو یاردم‌لر بولمه‌گنی تقدیر‌ده، حیاتی‌میز نی قنده‌ی اوتگزیشیمیز نی بیلمه‌یمن. ایش یوق، ایکینچی‌لیک یوق و مین اوزیم هم کسل و یالغیز مذکور یاردم‌لر آرقه‌لی ییگولیک ماده‌لریمیز نی تامین قیله آله‌میز.»
بیزلرنینگ توییترده هم تعقیب قیلینگ!
شونده‌ی بیرحالده، اقتصاد وزیرلیگی مسئوللری نینگ ایتیشلریچه، دنیا جماعه‌سی و یاردم بیروویچی نهاد‌لر حاضرگی وضعیت‌ده افغانستان ده نیازمند کیشیلر گه یاردملری نینگ دوام بیریشلری کیره‌ک.
مذکور وزیرلیک سوزلاوچیسی عبدالرحمان حبیب نینگ سلام‌وطندار گه ایتیشیچه: «یشاوچیلر، کوپینچه یاردم گه نیازی بولگنی صورت‌ده، بیر تامان‌دن اقتصادی قیین‌چیلیک‌لر و باشقه بیر تامان‌دن ایسه خلق‌ارا آزیق-آوقات دستوری نینگ یاردملری کیسیلیشی بیلن روپه‌ره بولگن. بو رقم قرار آلینمه‌یشی کیره‌ک. دنیا جماعه‌سی اهالی نینگ اقتصادی قیین‌چیلیگی حلی اوچون آستقورمه پروژه‌لر گه توجه قیلیشی کیره‌ک. برنامه‌لر نینگ عمل گه آشیریلیشی بیلن اهالی قیین‌چیلیگی نینگ دایمی شکلده حلی اوچون بیزلر هم سعی و حرکت قیله‌میز.»
ایتیش کیره‌ک که، کمبغل‌لر انسان پرورلیک یاردم‌لر کیسیلیشی خصوصیده شونده‌ی بیرحالده خواطر بیلدیرگنلر که، حلق‌ارا آزیق-اوقات دستوری نینگ حساب-کتابلری اساسیده، اوشبو نهاد نینگ افغانستان ده‌گی نیازمند کیشیلر گه یاردمی جاری میلادی ییل آگست آیی‌ده کمه‌یب، اکتوبر آیی‌ده ایسه اوشبو یاردم‌لر ارایه‌سی نینگ یکونلنیشی ممکن.
