افغانستان یشاوچیلریدن میلیون‌لرچه‌سی نینگ آمان قالیشی، دنیا جماعه نینگ انسانپرورلیک یاردم‌لری گه تیگیشلی بولگنی بیرحالده، خلق‌ارا آزیق-آوقات دستوری بیر اعلامیه ترقه‌تیب، بودجه کم‌لیگی سبب اپریل آیی‌ده افغانستان ده نیازمند‌لر گه یاردم ارایه‌سی‌‌نی کمه‌یتیرگن.
خلق‌ارا آزیق-آوقات دستوری نینگ کوپه‌یتیریشیچه، جاری میلادی ییل نینگ اپریل آیی‌ده بودجه کم‌لیگی سبب، ۱۳ میلیون نیازمند‌دن، یالغیز تورت میلیونی انسانپرورلیک یاردم‌لردن فایده‌لنیشی ممکن.
بیزلرنینگ فیسبوک صحیفه‌میزگه باش اورینگ!
افغانستان بوییچه خلق‌ارا آزیق-آوقات دستوری رئیسی هیسیو وی‌لی نینگ ایتیشیچه: «آزیق-آوقات یاردم‌لری شونده‌ی بیرحالده کمه‌یگن که، افغان‌لر ساووق بیر قیش نی اوتکزیب و حاضر ایسه کیت‌مه-کیت قیین‌چیلیک‌لر بیلن قرشی کوره‌ش سبب، چرچه‌گنلر.»
نیچه نان پولی نی تاپیش اوچون، تخار ولایت مرکزی تالقان شهری نینگ سرک‌لری گه باره‌دیگن اوشبو ولایت یشاوچیسی بولمیش سیف‌الله نینگ ایتیشیچه، آلتی کیشی‌لیک بیر عایله سرپرستی دیر.
سیف‌الله نینگ کوپه‌یتیریشیچه، بیر قطار کون‌لر ایش و پول تاپه آلمه‌یشی سبب، اوی گه بوش قول بیلن باریب و کیچه آچ یاتیش گه مجبور بولگن دیر.
بیزلرنینگ توییترده هم تعقیب قیلینگ!
شونینگدیک غور یشاوچیلریدن عبدالظاهر نینگ ایتیشیچه، حاضرگی وضعیت‌ده حیات کیچیریش اوچون انسانپرورلیک یاردم‌لر گه نیازمند دیر.
خلق‌ارا آزیق_آوقات دستوری گه کوره، افغانستان یشاوچیلریدن ۲۰ میلیونی، کیینگی وقت ییمک‌لری نینگ قنده‌ی و قیردن قولگه کیلتیریش‌لرینی بیلمه‌یدیلر و اولردن آلتی میلیونی قحط‌چیلیک بیلن روپه‌ره‌لر.
