اسلام امیرلیگی رهبری شیخ هبت‌الله آخوندازده، قندهار شهری عیدگاه مسجدی‌ده قربان هییتی نمازی‌‌دن کیین‌‌گی نطقی‌ده ایتیشیچه، تجربه‌لر اساسیده دموکراتیک توزومی‌نینگ مملکت‌ده فایده‌لی بولمه‌گنی بیرحالده، بعضی‌لر ینه افغانستان ده بو توزوم‌نینگ قیتیشی اوچون یول‌نی آچیش‌گه سعی‌وحرکت قیلماقده.
اسلام امیرلیگی سوزلاوچیسی ذبیح‌الله مجاهد، بوگون (۱۷-جوزا، شنبه)، اوشبو نطق‌‌نینگ سیسلی نسخه‌سینی اکس اجتماعی ترماغی‌گه ترقه‌تگن. مذکور نطق‌ده اسلام امیرلیگی رهبری ایچکی مسئله‌لر همده بیر قطار تشقی مسئله‌لر توغریسیده صحبت قیلگن.
بیزلرنینگ فیسبوک صحیفه‌میزگه باش اورینگ!
اونینگ ایتیشیچه: «حاضر بیر قطار کیشی ینه دموکراسی توزومی اوچون یول آچیش‌گه حرکت قیلماقده؛ بیراق تجربه‌لر کورستگن که، بو مملکت‌ده انسان‌نینگ قوتقریلیشی دموکراسی یولی‌دن امکان‌سیز دیر؛ بلکیم یالغیز اسلامی توزوم، موفقیت یولی دیر.»
اسلام امیرلیگی رهبری، حاضرگی توزوم‌نینگ یخشی‌لنیش یولی‌ده بولگنی‌گه تاکید‌لب و سوز بیرگن که «دین گه قرشی حتا بیر آدیم هم قویمه‌یدی.»
او حاضرگی توزوم‌نینگ ضعیف‌لنیشی اوچون تشقی سعی‌وحرکت‌لرگه اشاره قیلیب و ایتیشیچه: «دنیا بو توزوم‌نینگ توخته‌تیش گه حرکت قیله‌‌دی و انه شوو سبب، بیزلرگه قرشی حقارت‌لی سوزلرنی بیان قیله‌دیلر.»
شونینگدیک شیخ هبت‌الله آخوندازده، امارت مسئوللری‌گه اختلاف‌دن اوزاق‌لشیشلری و هییت برکتی بیلن کینه‌‌‌نی چیتگه سوریب، بیر-بیری‌نینگ کیچیریشلرینی توصیه قیلگن.
او، سوزلری‌نینگ باشقه بیر بولیمی‌ده افغانستان فقرالری و مسئوللر آره‌سی همکارلیککه تاکید قیلگن.
بیزلرنینگ «ایکس» ترماغی ده هم تعقیب قیلینگ!
شونینگ اسلام امیرلیگی رهبری، فلسطین وضعیتی‌گه اشاره قیلیب و ایتیشیچه، اسرائیل امریکا حمایتی بیلن غزه یشاوچیلری‌نی اولدیره‌دی. اونینگ کوپه‌یتیریشیچه: «تامانلردن بیر قطاری امریکا بیلن دوست‌لیک قیلیش‌دن خورسند دیر و اونی موفقیت‌لیک بیله‌دیلر؛ بیراق امریکا اینگ بویوک ظالم و فلسطین مسلمان‌لری‌دن برچه‌سی‌نینگ قاتلی دیر. امریکا بولمه‌گنی صورت‌ده، اسرائیل هیچ نرسه قیله آلمه‌یدی. بوندن آلدین افغانستان گه تجاوز قیلینه‌ر ایدی، بوگون تجاوز و ظلم فلسطین‌گه دوام قیلماقده.»
اسلام امیرلیگی، بوگون‌نی هییت بیرمی‌نینگ بیرینچی کونی اعلام قیلیب و بوگون مملکت بویلب هییت نمازی اوقیلدی.
