Asset 1SWN

تخار ولایتی‌ده‌گی ییگیت‌لردن قطاری ایش‌سیزلیک‌دن شکایت قیله‌دیلر

Takhar_Taliqan

تخار ولایتی‌ده اینگلیزچه بولیمی‌ده تحصیل قیلگن عبدالرحیم، اوشبو ولایت ینگی‌قلعه تومنی نینگ اصلی یشاوچیسی دیر. اونینگ سلام‌وطندار گه ایتیشیچه، بیر یریم ییل‌دن بیری ایش تاپیش اوچون کوپ سرگردان‌ بولگن، لیکن حاضرگچه ایش تاپه‌آلمه‌گن.

اونینگ کوپه‌یتیریشیچه: «اوتمیش‌ده ایبک بلدیه‌سیده ایشیم بار ایدی. اسلام امیر‌لیگی نینگ قدرت گه ایریشگنیدن کیین، حاضرگچه ایش‌سیز‌مین و ایش قیدیریب یوریب‌مین؛ بیراق هیچ کیم ایش بیرمه‌یدی.»

بیزلرنینگ فیسبوک صحیفه‌میزگه باش اورینگ!

تخار ده‌گی ایش‌سیز ییگیت‌لردن باشقه بیری نجم‌الدین اویغون نینگ ایتیشیچه، تورت ییل آلدین لیسانس دوره‌سی نی یکونلنتیرگن؛ بیراق حاضرگچه ایش‌سیز دیر.

عین حالده، او افغانستان ده ایش تاپه آلمه‌گنیدن کیین، مملکت‌دن تشقی گه مهاجرت قیلگن؛ لیکن اسلام امیر‌لیگی نینگ قدرت گه ایریشگنیدن کیین، افغانستان ده حکومتی اداره‌لردن بیریده ایش تاپه آلیشی اوچون مملکت گه قیتگن دیر.

اونینگ سلام‌وطندار گه کوپه‌یتیریشیچه: «اسلام امیر‌لیگی نینگ قدرت گه ایریشگنیدن کیین، مملکت گه کیلیب و اوز وطنداش‌لریمیز گه خذمت قیلیش نی ایسته‌دیک. کوپینچه اداره گه مراجعه قیلیب و ییگیت‌لر بیلن همکار‌لیک قیلیش‌لری نی سوره‌دیک؛ بیراق حاضرگچه ایش زمینه‌سی یره‌تیلمه‌گن.»

عین حالده، تخار ده‌گی ایش‌سیز ییگیت‌لردن باشقه بیری گل‌رحمان نینگ ایتیشیچه: «حاضرگچه واسطه و وسیله‌ موضوع‌لری بار. ایش‌سیزلیک اهالی نینگ اقتصادی قیین‌چیلیگی گه سبب بولگن. ا.ا حکومتی‌ تامانیدن بو توغریده توجه قیلیش‌لری گه امید‌وارمیز.»

شونده‌‌ی بیرحالده، تخار محلی مسئوللری نینگ ایتیش‌‌لریچه، حکومت ییگیت‌لر اینیقسه تحصیل قیلگن ییگیت‌لردن حمایت قیلیش خصوصیده متعهد دیر.

بیزلرنینگ توییترده هم تعقیب قیلینگ!

تخار معلومات و مدنیت ریاست سرپرستی عین‌الدین مطمئن نینگ سلام‌وطندار گه ایتیشیچه: «افغانستان دولتی اداره‌لریده حاضرگچه ۸۰ فایز تحصیل قیلگن ییگیت‌لر ایشلماقده. افغانستان اسلام امیر‌لیگی کیله‌جک‌ده تحصیل قیلگن ییگیت‌لردن حمایت بولینیشی خصوصیده ایشانچ بیلدیرگن.»

عین حالده، تخار نینگ دولتی و خصوصی بیلیم یورت‌لریدن هر ییل فرق‌لی بولیم‌لردن قریب اوچ مینگ کیشی فارغ بوله‌دی؛ بیراق ایش تاپه آلمه‌یشلری سبب، اولردن کوپ قطاری ایسه ایش تاپیش اوچون باشقه مملکت‌لر گه مهاجرت قیله‌دیلر.

مرتبط با این خبر:

کلیدی کلمه‌لر: // // //

شریک قیلینگ:
خبر اوقووچی
تیگیشلی خبرلر و تحلیل‌لر

سلام‌وطندار خبرلری و گزارش‌لری نینگ اجتماعی ترماق‌لردن تعقیب قیلینگ:

توییتر

تلگرام