سونگی کون‌لرده مملکت مقیاسیده مثل‌سیز درجه ده ساووق بولیشی بیلن، تخار ولایتی ینگی‌قلعه تومنی یشاوچیلری نینگ ایتیشلریچه، اوشبو تومن اینیقسه خواجه حافظ قیشلاغی یوللری موزلشی مذکور قیشلاق یشاوچیلرینی تورلی خیل قیینچیلیک بیلن روپه‌ره قیلگن.
اولر گه کوره، محل یشاوچیلری یول‌نی آچیش و اوز کسل‌لرینی تومن مرکزی کسلخانه‌سیگه انتقال بیریش اوچون، بیل و کلنگ بیلن یول‌نی تازه‌لش مقصدیده سعی و حرکت قیلماقده‌لر.
بیزلرنینگ فیسبوک صحیفه‌میزگه باش اورینگ!
ینگی‌قلعه تومنی یشاوچیسی رواج‌الدین گه کوره، تخار ده کوچلی قار یاغیب و قتناو یوللر موزلشی همده سنگلاخ اوستیگه کوپریک یوق‌لیگی باعث، اولر ایریم قیینچلیکلر گه دوچ بولگنلر.
اونینگ کوپه‌یتیریشیچه: «بدخشان شهر بزرگ تومنی، تخار ولایتی رستاق و چاه‌آب تومن‌لری نینگ سوو تاشقین‌لری اوشبو سنگلاخ دن اوته‌دی، سونگی کون‌لرده‌گی ساووق باعث بوتونلی موزلب و قریب ۳۰ قیشلاق یشاوچیلری نینگ یولی توسیلگن.»
خواجه حافظ قیشلاغی یشاوچیلری گه کوره، هر ییلی قیش موسومی ده قار و یامغیر یاغیشی باعث سوو تاشقینی یوز بیره‌دی، مذکور سنگلاخ اوستیده کوپریک یوق‌لیگی سبب اولر ایریم قیینچلیکلر گه دوچ بوله‌دیلر.
اوشبو محل یشاوچیلری نینگ کوپه‌یتیریشیچه، کوپ سعی و حرکت‌لردن کیین یالغیز موترلر یوزی گه یول‌نی آچیشگه اولگورگنلر.
اولر اسلام امیرلیگی دن، مذکور منطقه یشاوچیلری نینگ قیینچیلیگی حلی اوچون اعتبار قره‌تیلیشینی طلب قیله‌دیلر.
بیزلرنینگ توییترده هم تعقیب قیلینگ!
عین‌حالده، تخار طبیعی آفت‌لرنی باشقریش بوییچه باشلیغی احمدسیر ساجد موجود قیینچیلیکلرنی تصدیقلب، ینگی‌قلعه تومنی خواجه حافظ سنگلاخی اوستیگه کوپریک قوریلیشی مقصدیده، محل یشاوچیلری تومن اولسوالی نینگ تصدیقی بیلن رسمی بیر مکتوب اوشبو اداره گه یوللش‌لری کیره‌ک دیدی.
بوندن آلدین، تخار طبیعی آفت‌لرنی باشقریش ریاستی ساووق طفیلی مذکور ولایت قطار تومن‌لری نینگ قتناو یولی یاپیلیشیدن خبر بیرگن ایدی.
ایتیش کیره‌ک که، افغانستان هواشناس‌لیک ریاستی مملکت بویلب هوا مثل‌سیز درجه ده ساووق بولیشیدن آگاه‌لنتیرگندی.
