ایش خلق‌ارا تشکیلاتی نینگ اعلانی‌گه اساس، اسلامی امارت حاکمیت‌گه ایریشگندن کیین، اوشبو مملکت نینگ یریم میلیون دن آرتیق اهالیسی ایش‌سیز قالگن.
مذکور تشکیلات ینگی‌لیکده ترقه‌تگن گزارشی‌ده ایتیشیچه، افغانستان‌ده‌گی وضعیت اوشبو مملکت اقتصادیاتی‌نی فلج قیلیب و ایش بازاری اوستیگه سلبی تاثیر قیلگن. گزارش‌گه بناً بو وضعیت خاتین قیزلر شامل محنت‌چیلیک، دولت اداره‌لری، اجتماعی وساختمانی خدمت‌لر بوییچه ایشله‌یدیگن‌لرنی متاثر قیلگن.
گزارش‌گه کیلیشیچه، اولردن اکثریتی وظیفه‌لرینی قول‌دن بیرگن یا ده معاش‌لری توللنمه‌گن. بولرگه علاوه قطار شرکت‌لر باسیم آستیده، مینگ‌لب افغانستان وطنداشی مملکت‌نی ترک ایتر ایکن اوشبو فیرمه‌لر مشکل بیلن ایش‌لری‌گه دوام بیریشی ممکن.
ایش خلق ارا تشکیلاتی نینگ اورغولشیچه، افغانستان‌ده میلادی ۲۰۲۲- ییل جون آی‌گچه ۷۰۰ مینگ‌دن ۹۰۰ مینگ وظیفه بیکار قیلینیب و حاضرگه نسبتن ایش فرصتی کمه‌یدی.
مذکور تشکیلات نینگ تاکیدلشیچه، اسلامی امارت افغانستان بویلب قدرت‌نی قول‌گه آلیشی بیلن اقتصادی قیینچیلیک‌لر کوپه‌لگن؛ چونکه افغانستان بیرتاماندن نقد پول تنقیص لیگیگه روپه‌رو و یینه بیرتاماندن بانک‌لردن پول آلیش چیکلاوی نه‌فقط آدم‌لرنی بلکه شرکت‌لرنی هم مشکل‌گه دوچ قیلگن.
بیزلرنینگ فیسبوک صحیفه‌میزگه باش اورینگ!
گزارش‌گه کیلیشیچه، افغانستان اسلامی امارت حاکمیت‌گه ایریشی و اوشبو مملکت‌ده خلق ارا کوچلر چیقیشی‌دن سونگ، افغانستان نینگ خارج بانک‌لرده‌گی پول‌لری دنیاجماعه چیلیگی تامانیدن توسیلدی، اوشبو مدت ایچیده اسلامی امارت نینگ حرکت‌لری گه بناً هیچ بیر مملکت اولرنی حاضرگچه رسمی تن آلمه‌گن.
ایش خلق ارا تشکیلاتی نینگ افغانستان ایشلری بوییچه ییریک هماهنگ قیلوچیسی رامین بهزاد، اوشبو گزارش‌ده افغانستان وضعیتی وخیم لیگی‌دن خواطر بیلدیریب بو مملکت‌ده دایمی ثبات برقرار ایتیلیشی اوچون تیزیاردم بیریلیشینی تاکید ایتکن. اونگه کوره، انسان پرورلیک احتیاج‌لرنی برطرف ایتیش اولرنینگ بیرینچی ایشی دیر.
ایش خلق ارا تشکیلاتی، دنیاجماعه‌چیلیگی‌دن افغان‌لرنی قوللب قوتلشینی سوره‌گن. مذکور تشکیلات نینگ تاکیدلشیچه، بو وضعیت دوام ایتکن تقدیرده اولکه بویلب ایشچی باله‌لر سانی آرتیشی ممکن و حاضرگی کون‌ده ۵ یاش‌دن ۱۷ یاشر بیر میلیون‌دن آرتیق باله ایشله‌ماقده.
عین حالده، افغانستان اسلامی امارتی شکل‌لنیشی‌دن کیین، دولت اداره‌لری‌ده ایش کمه‌یگن و بیرقطار خصوصی نهادلر فعالیت‌لرینی قیسقرتیرگن یا ده بوتونلی توخته‌تگن.
