بیرلشگن ملتلر تشکیلاتینینگ خلقارا آزیق-آوقت دستوری، کیلهسی آلتی آیده افغانستاننینگ نیازمند اهالیسیگه قوتقرو حمایتلرینی دوام بیریش اوچون ۵۶۸ میلیون دالر بودجه گه نیازی بارلیگینی معلوم قیلگن.
مذکور نهاد، بوگون (۳۱-سنبله، دوشنبه)، بیر بیانیه آرقهلی ایتیشیچه، توییب آوقتلنمسلیک، کیتمه-کیت قوروقچیلیک و ایران همده پاکستان دن افغانستانلیک قاچقینلرنینگ جبری شکلده چیقریلیشی، بو مملکتده میلیونلب کیشینی تاثیر آستیده قویگن.
بیزلرنینگ «ایکس» ترماغی ده هم تعقیب قیلینگ!
خلقارا آزیق-آوقت دستوریگه کوره، افغانستان شرقیده یوز بیرگن زلزله، آلدیندن موجود بولگن خواطرلنتیرووچی انسانی وضعیتنی، جدیراق قیلگن. اوشبو نهادنینگ کوپهیتیریشیچه، شرقی ولایتلرده یوز بیرگن زلزلهدن کیین، یاردم بیرووچی تیملر محل گه باریب و جبرلنگن کیشیلرگه یاردم بیرگنلر.
بیرلشگن ملتلر تشکیلاتینینگ معلوماتی اساسیده، افغانستان ده قریب ۲۲ میلیون کیشی انسانسیورلیک یاردملرگه نیازی بار؛ لیکن بو تشکیلات جدی شکلده بودجه کملیگی بیلن روپهره دیر.
بیزلرنینگ فیسبوک صحیفهمیزگه باش اورینگ!
بوندن آلدین اسلام امیرلیگی اقتصاد وزیرلیگی، افغانستان یشاوچیلرینینگ آزیق-آوقت نیازلری تامینلنیشی اوچون بشری یاردملر دوامینی اونملی دیب؛ بیراق اورغولشیچه، اوزون مدتده اقتصادی وضعیت یخشیلنیشی اوچون بو یاردملرنینگ آستقورمهلر رواجلنیشی و ایش فرصتلری یرهتیلیشیگه قرهتیلیشی کیرهک.
