لوگر مرکزی پل علم شهر یشاوچی‌لریدن قطاری نینگ سلام‌وطندارگه ایتیش‌لریچه، جمهوری نظام سقوط قیلگنیدن کیین، ایش‌سیزلیک میزانی کوپه‌یگن و سودالی و سوادسیز ییگیت‌لردن کوپینچه‌سی اولکه نی ترک قیلماقده.
اولرنینگ ایتیش‌لریچه، لوگرده ساتیش و آلیش بوتونلی توختلگن و اسلامی امارت تیزلیککه اهالی گه ایش زمینه یره‌تیشی کیره‌ک.
لوگر ولایت یشاوچی‌لری، مملکتده ایش‌سیزلیک میزانی کمه‌یشی اوچون اسلامی امارت مسئوللریدن، سابق دولت ایشلاوچی‌لری نینگ وظیفه‌لریگه قیته کیلتیریش‌لرینی سوره‌گن.
بیزلرنینگ فیسبوک صحیفه‌میزگه باش اورینگ!
لوگر حاکمی مولوی علی‌جان احمد، اسلامی امارت کیلیشی بیلن ایش‌سیزلیک میزانی کوپه‌یگنی و شونینگدیک قطار پروژه‌لرنینگ ایشی توختلگنی نی تصدیقله‌گن. بیراق اونینگ ایتیشیچه، ایشی توختلگن پروژه‌لرنینگ ایشی قیته باشله‌نیشی و اهالی گه ایش زمینه‌سی یره‌تیلیشی اوچون، سعی و حرکت‌لرنی دوامی بار.
لوگر حاکمی نینگ کوپه‌یتیریشیچه، برچه دولتی و غیر دولتی اداره‌لرگه فعالیت زمینه‌سی فراهم ایتیله‌دی و شونینگدیک اهالی نینگ اقتصادی قیینچلیک‌لری هم حل ایتیلیشی ممکن.
اسلامی امارت قدرت گه ایریشیشی بیلن، مملکتده اقتصادی فعالیتلر توخته‌لیب و اهالی ایسه کوپینچه قیینچلیکلر بیلن روپه‌رو بولگن.
