لوگرده ایشانچلی امنیتی بیر منبع نینگ سلاموطندارگه ایتیشیچه، طالبان مذکور ولایت مرکزی پلعلم شهریده گروهی هجوم قیلیب و بو شهر نی نظارت گه آلیش اوچون برنامه آلگن.
منبع نینگ کوپهیتیریشیچه، طالبان نینگ هجومی باعث شهر خوفسیزلیک کمربندی سینگن و بو ولایتده اونلرچه پوسته طالبان نظارتی گه اوتگن.
منبع گه کوره، دولتی رسمیلر، رئیسلر، ولایتی کینگش اعضالری، خبرچیلر، سوداگرلر و اونلرچه عایله، پلعلم شهری نینگ سقوط قیلیشی دن قورقیب و بو شهر نی ترک قیلگنلر.
بیزلرنینگ فیسبوک صحیفهمیزگه هم باش اورینگ!
لوگر یشاوچیلریدن قطاری نینگ ایتیشلریچه، رمضان بیرهمی دن کیین طالبان و امنیتی کوچلر آرهسیده آتیشمهلر کوپهیگن و هر کیچه امنیتی کوچلرنینگ پوستهلری طالبان قولیگه سقوط قیلهدی.
اولرنینگ کوپهیتیریشلریچه، پلعلم شهری ناتینچ بولیب و بو شهرنینگ سقوطی توغریسیده مشمشلر کوپهیگنیدن کیین، دولتی ادارهلر، خیریه نهادلر و سوداگرلیک مرکزلر باغلهنیب و اهالی قورقیب شهرگه کیله آلمهیدی.
- لوگرده ریجهلنگن ترورلر میزانی کوپهیگن؛ ایکی هفته ده ۵ کیشی هلاک ایتیلگن
- لوگر حاکمی: چرخ تومنی امنیتی کوچلرنینگ نظارتی گه دیر
- لوگر ده ناتینچلیکلر سبب، مکتبلرنینگ ایشیگی قیزلر یوزیگه باغلنگن
لوگر یشاوچیلریدن بیری ذبیحالله نینگ ایتیشیچه: «لوگرنینگ خوفسیزلیک وضعیتی خواطرلنتیرووچی دیر. پلعلم شهریده پوستهلردن کویپنچهسی سقوط قیلگن. بو ولایت سقوط قیلیشی توغریسیده لوگر یشاوچیلری خواطرگه دیر.»
شونینگدیک لوگر ولایتی کینگش باشلیغی حسیبالله استانکزی نینگ ایتیشیچه، محلی مسئوللر بو ولایت خوفسیزلیگی نی تأمینلش اوچون کوچسیز دیر و حکومت اوشبو ولایت خوفسیزلیگی گه توجه قیلمهگن صورتده، فاجعه یوزبیریشی ممکن.
بیزلرنینگ توییترده هم تعقیب قیلینگ!
بیراق ینگیلیکده لوگر پولیس قومندانی صفتیده تعیینلنگن شفیقالله سحر نینگ ایتیشیچه، امنیتی کوچلر اوتمیش گه قرهگنده کوچلی بولگن و اولر طالبان نینگ هر قندهی هجومی گه قرشی کیله آلهدیلر. «لوگرنینگ خوفسیزلیک وضعیتی توغریسیده ترقهتیلگن مشمشلر دشمن نینگ تبلیغاتی دیر. کابل-گردیز قتناویولی آچیق دیر. طالبان اَیریم پیتلر یاشیرین شکلده پوستهلرگه هجوم قیلیب و تینچاهالی نینگ تلفاتی گه سبب بولهدی.»
شوندهی بیرحالده، ۲ مینگ دکانی بولگن لوگر ولایتی محمدآغه تومنی نینگ واغجان بازاری، امنیتی کوچلر و طالبان آرهسیدهگی آتیشمه باعث یاپیق دیر و بیر هفته دن بویان پلعلم شهری، برهکی برک و محمدآغه تومنلریده امنیتی پوستهلردن کوپینچهسی طالبان قولیگه سقوط قیلگن.