لوگر ولایتی ارزه تومن یشاوچی‌لری نینگ مهمانخانه‌سیده برابریده بمب جایلشتیریلگن موتر پارتله‌شی عاقبتیده، ۲۰ کیشی هلاک و ۱۱۰ دن آرتیق کیشی یره‌لنگن. مذکور حادثه ایچکی و خلق‌ارا کینگ عکس‌العمل‌لرگه روپه‌رو بولدی.

مذکور پارتلش اوتگن کون (جمعه ۱۰- ثور) شام چاغی ساعت ۷ اطرافیده لوگر مرکزی پل‌علم شهری نینگ بیرینچی ناحیه‌سیده جایلشگن ولایتی کسلخانه یقیین‌لیگیده یوزبیرگن. لوگر حاکمی عبدالقیوم رحیمی نینگ ایتیشیچه، بو پارتلش ده ۲۱ کیشی هلاک و باشقه ۱۱۲ کیشی یره‌لنگن. لوگر حاکمی گه کوره، اوشبو حادثه نی برچه قربانی‌لری تینچ‌اهالی دیر.

گزارشلر اساسیده،‌ مذکور حادثه قربانی‌لری نینگ کوپینچه‌سی کانکور سیناوی نی اوتکزیش اوچون لوگر مرکزی گه کیلگن اوقووچیلر دیر.

جمهوررئیس محمداشرف غنی، بیر پیام آرقه‌لی بو حادثه نی طالبان گروهی گه نسبت بیریب و اونینگ طالبان گروهی نی بشری جنایتی دیگن. لوگر ده بمب جایلشتیرلگن موتر پارتله‌شی مسئولیتی نی حاضرگچه بیرار گروه یا-ده شخص بوینیگه آلمه‌گن بیرحالده، جمهوررئیس غنی بو هجوم نی قاره‌لب و ایتیشیچه، طالبان نهایتده رمضان ده که بو رحمت و بخشش آیی دیر، اهالی نینگ اولدیریش و عام‌المنفعه تأسیسات‌لرگه ضرر ییتیشتیریش‌دن قول تارتمه‌یدی.

محمداشرف غنی نینگ ایتیشیچه: «طالبان افغانستان مسلمان اهالیسی نینگ اولدیریش اوچون خداوند متعال و افغانستان اهالیسی برابریده مسئول دیر.» جناب غنی گه کوره، طالبان اهالی گه قرشی زوروانلیکلر و ناقانونی اوروش نی دوام بیریش بیلن ینه بیر مرته حاضرگی فاجعه تینچ و اساسی شکلده حل بولیشی گه اراده‌لری یوقلیگی نی کورسه‌تیش گه علاوه، وضعیت نی قیین‌لشتیریش بیلن تینچلیک اوچون اورته گه کیلگن فرصت نی ضایع قیله‌دیلر. جمهوررئیس امنیتی کوچلرگه طالبان نینگ اوشبو جنایتی نی بی جواب قویمه‌سلیک‌لری توغریسیده بویروغ بیرگن.

شونینگدیک ملی مصالحه عالی کینگش باشلیغی عبدالله عبدالله هم بیر پیام آرقه‌لی بو هجوم نی قاره‌لگن. جناب عبدالله بو هجوم نی «اولکه و اسلام دشمن‌لری» گه نسبت بیریب و ایتیشیچه، ملی و خلق‌ارا سطح ده تینچلیک اوچون سعی و حرکتلر کوپه‌یگن بیرحالده،‌ بونده‌ی هجوملر تینچلیک پروسه‌سینی قیینچلیک بیلن دوچ قیله‌‎دی. ملی مصالحه عالی کینگشی طالبان گروهیدن رمضان اوچون آتیش کیسین قیلیب و تینچلیک اوچون یخشی نیت کورسه‌تیش بیلن زوروانلیکلردن قول تارتیش‌لرینی سوره‌گن.

عین حالده، کابل بوییچه ترکیه ایلچی‌خانه‌سی بیر اعلامیه ترقه‌تیش بیلن لوگر ده بمب جایلشتریلگن موتر پارتلش حادثه‌سینی جدی شکلده قاره‌لب و زوروانلیکلر کوپه‌یتیریلیشی دواملی تینچلیک سوزلشوولریگه یاردم بیرمه‌سی خصوصیده اورغوله‌گن.

شونده‌ی بیرحالده، اروپا بیرلیگی لوگر ده یوزبیرگن پارتلش نی افغانستان اهالیسی اوچون بیر فاجعه دیگن. مذکور بیرلیک نینگ اورغولشیچه، معناسیز زوروانلیکلر توخته‌تیلیشی کیره‌ک.

مذکور پارتلش مملکت یشاوچی‌لری نینگ هم کینگ عکس‌العمل‌لریگه روپه‌رو بولگن. مملکت یشاوچی‌لریدن کوپینچه‌سی لوگر یشاوچی‌لری بیلن همدردلیک قیلیب و اوتگن کون شام چاغی بو ولایتده یوزبیرگن قانلی هجوم نی قاره‌لگنلر.

لوگر ده بمب جایلشتیریلگن موتر پارتله‌شی عاقبتیده مذکور ولایت ولایتی کسلخانه‌سی، یشش اویلر و مارکیت‌لردن قطاری تخریب و شونینگدیک اهالی گه هم کوپینچه مالی ضرر ییتیشگن.

مرتبط با این خبر:

شریک قیلینگ:
خبر اوقووچی
تیگیشلی خبرلر و تحلیل‌لر

سلام‌وطندار خبرلری و گزارش‌لری نینگ اجتماعی ترماق‌لردن تعقیب قیلینگ:

فیسبوک

توییتر

تلگرام