ایچکی ایشلر وزیرلیگی نینگ اعلام قیلیشیچه، بو ولایتده بمب جایلشتریلگن موتر پارتله‌شی عاقبتیده، ۸ کیشی هلاک و باشقه ۵۴ کیشی ایسه یره‌لنگن.

بوگون (شنبه ۲۳- حوت) ایچکی ایشلر وزیرلیگی سوزلاوچیسی طارق آرین نینگ ایتیشیچه،‌ یره‌دارلرگه ۷ حربی و ۴۷ تینچ اهالی شامل دیر. ایچکی وزیرلیگی سوزلاوچیسی گه کوره، شونینگدیک هلاک بولگن‌لرگه بیر حربی، ۳ باله، ۲ عیال و ۲ ایرکک شامل دیر.

اوتگن کیچه هرات حاکمی سید عبدالوحید قتالی نینگ ایتیشیچه، جمعه کیچه ساعت ۹ اطرافیده فلانکوچ تیپلی بمب جایلشتریلگن بیر موتر هرات شهری نینگ ۱۴- خوفسیزلیک حوزه‌سی یقیین‌لیگیده پارتله‌گن.

جناب قتالی اوتگن کیچه بو حادثه‌ده عیاللر و باله‌لر شامل ۸ کیشی هلاک و ۵۳ کیشی یره‌لنگنی نی اعلام قیلدی. جناب قتالی گه کوره، حادثه قربانی‌لریدن کوپینچه‌سی یشش اویلر چپه بولگنی باعث ضرر کورگن.

شونده‌ی بیرحالده، هرات ساغلیک مسئوللری نینگ ایتیش‌لریچه، یره‌دارلردن ۱۰ ته‌سی نینگ ساغلیک وضعیتی یمان دیر. اوتگن کیچه ایچکی ایشلر وزیرلیگی سوزلاوچیسی طارق آرین تینچ‌اهالی نینگ آغیر تلفاتی نی تصدیق‌لب ایتیشیچه، بو حادثه‌ده ۶ یشش اوی بوتونلی تخریب و اونلرچه دکان گه هم مالی ضرر ییتیشگن.

جناب آرین بو حادثه مسئولیتی نی طالبان گه نسبت بیرگن؛ بیراق طالبان حاضرگچه بو توغریده فکر بیلدیرمه‌گن.

مرتبط با این خبر:

شریک قیلینگ:
خبر اوقووچی
تیگیشلی خبرلر و تحلیل‌لر

سلام‌وطندار خبرلری و گزارش‌لری نینگ اجتماعی ترماق‌لردن تعقیب قیلینگ:

فیسبوک

توییتر

تلگرام