هرات ده تینچ‌اهالی نی سقله‌ش گروهی تامانیدن ترقه‌تیلگن معلومات نینگ کورستیشیچه، قویاش جاری ییل نینگ قوس و جدی آی‌لریده امنیتی کوچلر و طالبان گروهی آره‌سیده‌گی آتیشمه‌لر نتیجه‌سیده، ۲۴ تینچ‌اهالی هلاک و باشقه ۵۱ تینچ‌اهالی ایسه یره‌لنگن.

مذکور گروه بوگون (شنبه ۴- دلو) خبری بیر ییغینده طالبان و حربی کوچلرنینگ آره‌سیده‌گی آتیشمه یشش اویلرگه قدر کیلگنی، تینچ‌اهالی تلفات رقمی کوپه‌یگنی و ایکی تامان آره‌سیده اوروش خطالری کوپه‌یگنیدن خواطر بیلدیرگن.

هرات ده تینچ‌اهالی نینگ سقله‌ش گروهی نینگ مردمی کینگش باشلیغی آقا ملنگ برهانی نینگ ایتیشیچه، مذکور گروه تامانیدن اوتکزیلگن تیکشیروو اساسیده، جاری ییل قوس و جدی آی‌لریده میزان و عقرب آی‌لری گه نسبتن تینچ‌اهالی نینگ تلفات رقمی کوپه‌یگن.

اونگه کوره، مذکور تینچ‌اهالی هرات ولایتی نینگ کهسان، گلران، اوبه، پشتون زرغون، کشک کهنه، کرخ، شیندند و غوریان تومن‌لریده هلاک ایتیلگن.

آقا ملنگ برهانی طالبان و امنیتی کوچلرنینگ اوروش خطالریدن تنقید قیلیب ایتیشیچه، یوزمه‌یوز اوروش‌لرده تینچ‌اهالی نینگ تلفاتی گه علاوه، یشش اویلر،‌ دکانلر و ایکینچلیک ییرلرگه هم ضرر ییتیشگن.

تینچ‌اهالی نینگ سقله‌ش گروهی نی مردمی کینگش باشلیغی گه کوره، ترورلر و جرم‌لر باعث هلاک بولگن کیشیلر مذکور رویخط گه شامل بولمه‌یدی.

هرات ده تینچ‌اهالی نینگ سقله‌ش گروهی باشلیغی سید اشرف سادات مذکور خبری ییغینده ایتیشیچه، بو گروه نینگ تیکشیروولری اساسیده، میلادی ۲۰۲۰- ییل ده دولت و طالبان گروهی آره‌سیده یوزمه‌یوز اوروشلر یشش اویلرگه قدر ییتیشگن.

اونینگ اورغولشیچه، هرات ده اوروش خطالری و تینچ‌اهالیدن سپر صفتیده فایده‌لنیش دوام تاپگن صورتده، تومن یشاوچی‌لری شهرلرگه کیلیش گه زورلنه‌دی.

تینچ‌اهالی نینگ سقله‌ش گروه مسئولی گه کوره، تینچ‌اهالی تلفاتی نینگ آلدینی آلیش اوچون ۲۰۷ ظفر قول اردو قومندانلیگیده تینچ‌اهالی نینگ سقله‌ش کمیسیون ایجاد ایتیلگن و اوروش قانون‌لری دولت تامانیدن رعایت قیلینیشی اوچون سعی و حرکت قیلینه‌دی.

مرتبط با این خبر:

کلیدی کلمه‌لر: // //

شریک قیلینگ:
خبر اوقووچی
تیگیشلی خبرلر و تحلیل‌لر

سلام‌وطندار خبرلری و گزارش‌لری نینگ اجتماعی ترماق‌لردن تعقیب قیلینگ:

فیسبوک

توییتر

تلگرام