افغانستان و ایران سودا قوشمه سودا اتاقی، ایران‌نینگ ۱۸۰ نفر سوداگر، سرمایه کیریتووچی و اقتصادی فعال وکیللریدن عبارت سودا هیئتی، بوگون (۱۴ میزان/۶ اکتوبر، سه‌شنبه) کابل گه ییتیب کیلگنینی معلوم قیلدی.
مذکور هیئت، ایران و افغانستان سودا قوشمه اتاقی باشلیغی محمود سیادت باشچیلیگیده، امام ابوحنفیفه (رح) ملی و خلق‌ارا کورگزمه‌سیگه اشتراک ایتیش مقصدی بیلن کابل گه کیلگن.
ایران سودا هیئتی اعضالری افغانستان سودا و اقتصادی فعاللری بیلن اوچره‌شیب و بو ایکی مملکت اورته‌سیده‌گی سودا علاقه‌لرنی کینگه‌یتیریش، قوشمه سرمایه کیریتیش و اقتصادی همکارلیک‌لرنی مستحکم‌لش حقیده بحث ایتیشی کوتیله‌دی.
