هرات محلی رسمیلری و امنیتی مسئوللری نینگ ایتیشلریچه، بو ولایتده ۱۲ کیشیلیک آدماوغیرلاوچی بیر گروه قولگه آلینیب و اوغیرلنگن ۴ کیشی قوییب یوباریلگن.
هرات حاکمی سیدعبدالوحید قتالی، اوغیرلنگن ۴ کیشی نینگ عایلهلریگه تسلیم بیریش چاغده ایتیشیچه، مذکور ۴ کیشی بوگون (دوشنبه ۲۹- جدی) توشدن آلدین پولیس و ملی خوفسیزلیک کوچلری نینگ خاص بیر عملیاتی عاقبتیده مذکور ولایت انجیل تومنی نینگ «امام شش نور» قیشلاغیده آدم اوغیرلاوچیلرنینگ قولیدن آزاد ایتیلگن.
هرات حاکمی گه کوره، قولگه آلینگن ۱۲ کیشی اوغیرلنگن ۴ کیشی نینگ قوروقچیلری ایکن و اصلی عامللر حاضرگچه قولگه آلینمهگن. اونینگ کوپهیتیریشیچه، اصلی عامللرنینگ قولگه آلیش اوچون امنیتی کوچلرنینگ عملیاتی نی دوامی بار.
هرات حاکمی سید عبدالوحید قتالی نینگ ایتیشیچه، بو ولایت یشاوچیلریدن قطاری حاضر هم آدم اوغیرلاوچیلرنینگ قولیگه دیر و اولرنینگ قوییب یوباریش اوچون سعی و حرکتلرنی دوامی بار. اونگه کوره، اوتگن ۳ آیده کمیده ۸۰ آدم اوغیرلاوچی بو ولایت پولیس و ملی خوفسیزلیک کوچلری تامانیدن قولگه آلینگن.
هرات پولیس قومندانی سلطان داوود سلطان نینگ ایتیشیچه، بو ولایتده عایلهلردن کوپینچهسی فرزندلری نینگ اوغیرلنگنی نی امنیتی کوچلرگه خبر بیرمهیدی.
اوغیرلنگنلرنینگ عایلهسیگه کوره، آدم اوغیرلاوچیلر هر بیر عایلهدن ۲۰۰ مینگ دالر ایستهگن ایکن.
شوندهی بیرحالده، هرات ایکینچلیک ریاست باشلیغی نینگ ۱۲ یاشر اوغلی حاضرهم آدم اوغیرلاوچیلرنینگ قولیگه دیر.